Portada
A miña conta
Calendario
Foros
Todos
Carreras Populares
Montaña
Triatlón
Circuito
Diarios
Kedadas
Fotos
Fuera de Galicia
Pista
Andainas
Canicross
Lesiones
Entrenamientos
Zapatillas
Planos
Otros temas
Utilidades
Mapa
Calculadora
O Tempo
Circuíto
Contacto
A miña conta
Calendario
Info da proba
Vimianzo
26/06/2015
20:30 - 22:30
Voltar
Regulamento
1ª LEGUA IRMANDIÑA CONCELLO DE VIMIANZO
REGULAMENTO I LEGUA IRMANDIÑA
VIMIANZO, VENRES 26 DE XUÑO DE 2015
1. IDEOLOXÍA
Ao abeiro da festa do Asalto ao Castelo, a celebrar no seu día central o sábado
4 de xullo de 2015, e con motivo da súa XX edición, foi demanda popular
atendida artellar unha carreira popular vertebrada co Castelo e cunha distancia
baseada nas antigas unidades de medida.
Por suposto, a carreira nace imbuída do espírito do Asalto, de tal xeito que a
chegada ao Castelo estará ambientada e decorada, máis alá dese momento
final monumento e da competición organizada no morrer do día.
Tamén por suposto, todas as idades terán acubillo nas distintas categorías que
conforman a carreira.
Xa por último, esta actividade deportiva entróncase con outra cultural que terá
lugar xusto a continuación: un concerto de presentación do CD Irmandiño Son,
a cargo dos artistas protagonistas; por tanto, haberá festa tras a carreira.
2. CATEGORÍAS-DISTANCIAS-HORARIOS-PERCORRIDOS
Categorías Benxamín e Alevín (aprox. 800 m.): 20h 30´
Regulamento I Legua Irmandiña
Categorías Infantil, Cadete e Xuvenil (aprox. 1500 m.): 20h 45´
Categoría Pitufos –nados entre 2008 e 2011– (aprox. 300 m.): 21h 10´
Regulamento I Legua Irmandiña
Categorías Absolutas (aprox. 5888 m.): 21h 30´
Volta vermella: volta inicial, con saída e paso por diante da praza do concello.
Volta azul: volta final, con meta no Castelo.
3. NORMATIVA XERAL E DE SEGURIDADE
1. Rexerase pola regulamentación de Seguridade Vial do Estado e da
Comunidade Autónoma de Galicia, que establece os requisitos esixidos
para a celebración de probas deportivas na vía urbana (Real Decreto
1428/2003 do 21 de novembro, publicado no BOE nº 306 do 23 de
decembro de 2003 sobre a ocupación da vía pública; e o Real Decreto
849/1993 do 4 de xuño de 2003, sobre a contratación do seguro de
responsabilidade civil e de accidentes).
2. Cada proba estará subscrita ao seguro de responsabilidade civil do
concello de Vimianzo. Tamén contará cun seguro de accidentes que terá
as coberturas mínimas esixidas no Real Decreto 849/1993.
3. Contará cun servizo médico-sanitario, que constará dunha ambulancia e
un médico, como proba que non supera os 750 participantes.
4. A organización da proba resérvase o dereito a modificar horarios e ou
percorridos, así como aprazar ou suspender a carreira se así o estima
oportuno por razóns de seguridade.
5. No caso de que para o día de celebración da proba se decrete unha alerta
laranxa a proba será suspendida automaticamente. Buscarase unha data
adecuada para desenvolvela e non se devolverán os cartos da inscrición.
6. Os atletas que durante o transcurso da proba, circulen por fóra do espazo
delimitado polos vehículos de sinalización de inicio e fin de carreira,
considéranse a todos os efectos usuarios normais da vía.
7. Toda persoa que corra sen estar inscrita, farao baixo a súa responsabilidade
e non poderá participar de trofeos nin obsequios. Tampouco estará
Regulamento I Legua Irmandiña
amparada polos seguros da proba.
8. Debido ao carácter estritamente deportivo e popular da proba non se
admitirán reclamacións. A participación é libre e leva implícito a aceptación
do Regulamento Xeral da proba. O Concello de Vimianzo, así como a
Comisión Organizadora non se farán responsables dos danos físicos, morais
ou materiais que ocasione a participación nesta carreira. O non recollido no
mesmo resolverase segundo o criterio da comisión organizadora, sendo as
súas decisións inapelables.
9. A organización porá a disposición dos participantes na carreira unha
instalación para que se poidan cambiar e duchar, así como un servizo de
garda roupa.
10.Os únicos vehículos que poderán seguir a proba, serán os autorizados pola
organización.
11.Descualificacións:
O servizo médico da competición está facultado para retirar durante a proba
a calquera atleta que manifeste un mal estado físico.
Todo atleta que non realice o percorrido completo.
O atleta que manifeste un comportamento non deportivo ou se reitere en
protestas ante a organización.
4. DEREITOS DE IMAXE, USOS DE DATOS E AUTORIZACIÓNS
Os deportistas inscritos comprométense a aceptar estritamente o presente
regulamento e calquera posible modificación.
A solicitude de inscrición para os deportistas menores de idade deberá ir
acompañada dunha autorización paterna segundo o modelo establecido pola
organización. Dito modelo poderase descargar da páxina web do concello
organizador así coma de www.championchipnorte.com.
A realización da inscrición implica ter lido, entendido e adquirido os
compromisos que a continuación se expoñen:
O atleta inscrito declara que está en bo estado físico e ten pasado os
pertinentes recoñecementos de saúde.
Calquera atleta con problemas médicos (alerxia, atencións especiais,...)
deberá facelo constar no reverso do dorsal da proba.
O atleta inscrito autoriza e acepta a publicación do seu nome e apelidos e a
súa imaxe nas clasificacións, medios de comunicación e internet, (…) para a
promoción do deporte. Calquera persoa inscrita poderá prohibir a utilización
da súa imaxe previa solicitude expresa por escrito.
5. SISTEMA DE CRONOMETRAXE, CHIPS E RECOLLIDA DE DORSAIS
Para controlar as probas estableceranse controis de cronometraxe por chip
(deberá ir suxeito aos cordóns das zapatillas). Todas as probas, agás as de
categoría pitufo serán cronometradas por Championchipnorte.
Será obrigatorio o uso de chip para todas as categorías (facilitado pola
organización), agás pitufo.
Regulamento I Legua Irmandiña
Será obrigatorio o uso de dorsal para todas as categorías (facilitado pola
organización).
O atleta que non porte o chip non poderá entrar na clasificación.
O atleta que non porte dorsal poderá ser descualificado se así o estima a
dirección de carreira.
O horario de apertura das mesas: a mesa de recollida de dorsais abrirá ás
19:00 e estará ubicada na Casa do Concello. Os dorsais e chips poderanse
recoller ata 30 minutos antes do inicio da proba.
A retirada de dorsal e chip (no caso de non posuílo) deberá realizarse
como mínimo con 30 minutos de antelación ao inicio da carreira.
Os chips son persoais e intransferibles polo que a suplantación da
personalidade dos atletas, sancionarase coa descalificación do portador e
do/a atleta suplantado, anulando todos os dereitos adquiridos na inscrición.
6. INSCRICIÓNS
O prazo de inscrición para todas as categorías pecharase o mércores 24
de xuño ás 24:00h., e non se aceptará ningunha inscrición unha vez
rematado dito prazo.
As inscricións para os atletas das categorías absolutas realizaranse a
través da páxina web www.championchipnorte.com
Cotas de inscrición:
3€ para atletas con chip en propiedade (chip amarelo).
5€ para aqueles corredores que deban alugar o chip (chip branco).
Inscricións de Categoría Base:
A inscrición para os atletas de categorías base, dende pitufo a xuvenil,
serán gratuítas.
As inscricións para os atletas benxamín, alevín, infantil, cadete e xuvenil
poderán realizarse a través de:
1) Plataforma Championchip ( www.championchipnorte.com. ) A
autorización paterna deberá imprimirse e ser presentada debidamente
cuberta e asinada á hora de recoller os dorsais. Dita autorización poderá
ser descargada en www.championchipnorte.com ou na páxina do
concello de Vimianzo.
2) Presentando a autorización paterna asinada no Departamento de
Deportes do concello organizador.
Os/as atletas de categoría Pitufo deberán facer a inscrición do seguinte
xeito:
1) Enviando un email ao Departamento de Deportes
(deportes@vimianzo.gal) coa autorización paterna cuberta e asinada. Á
hora de recoller o dorsal deberá presentarse impresa e asinada dita
autorización paterna.
2) Presentando a autorización paterna asinada no Departamento de
Deportes do concello de Vimianzo.
Regulamento I Legua Irmandiña
O prazo de inscrición para todas as categorías pecharase o mércores
24 de xuño ás 24:00h., e non se aceptará ningunha inscrición unha vez
rematado dito prazo.
7. AGASALLOS
As persoas inscritas con pago de por medio, isto é as categorías absolutas,
recibirán unha camiseta histórica do Asalto (ata esgotar existencias e coas
tallas limitadas a existencias).
Ao remate da carreira poderán recibir un avituallamento líquido e sólido.
8. CLASIFICACIÓNS, TROFEOS/MEDALLAS e ENTREGA DE PREMIOS
Clasificacións da proba absoluta:
Optan a esta clasificación todos os/as atletas participantes na proba.
Recibirán trofeo e/ou medalla e subirán ao podio os tres primeiros/as
clasificados/as na categoría xeral (os tres primeiros/as que entren na
meta).
Clasificacións das probas de base:
Recibirán trofeo e/ou medalla e subirán ao podio os tres primeiros/as
clasificados/as en cada unha das categorías (benxamín, alevín, infantil,
cadete e xuvenil).
Ademais nas categorías pitufo, benxamín e alevín recibirán medalla
conmemorativa todos os participantes na proba.
Entrega de premios:
A entrega de premios está prevista para ás 22h 30´ na Praza do Concello
de Vimianzo, lugar no que se habilitará un podio.
LUGAR DE INSCRIPCIÓN:
https://championchipnorte.com
Voltar