Xov, 03 Mai 2012, 21:23 Asunto: Lalín. Andaina a Zobra e as Liñeiras. Concellos Saudables.
Por fin imos a facer esta ruta. Xa son varias tempadas de andainas de Concellos Saudables. Todos os anos temos en mente a ruta a Zobra, pero por diversas circunstancias aínda non a fixemos. Será a ruta 12+1. E se non coñecedes esta zona espectacular que temos no concello de Lalín, non dubidedes en apuntarvos, porque ides quedar realmente impactados pola fermosora e espectacularidade da paisaxe dos lugares polos que pasaremos. Se xa tedes visitado Zobra tamén é unha ruta moi recomendable, porque o roteiro que faremos combina camiños de Zobra e tamén as Liñeiras, incluíndo o lugar de Chedas.
Datos da andaina:
- Organiza Concellos Saudables Lalín
- Día: domingo 27 de maio de 2012.
- Hora: 9:00
- Lugar de concentración dos participantes: Lalín, praza da igrexa, quilómetro cero.
- Autobús: Dende a praza da igrexa un autobús levará aos participantes ata o punto de partida da andaina. O autobús partirá as 9:15 horas da mañá.
- Distancia: 17 quilómetros de dificultade moderada
- Duración da andaina: 4 horas. Empezamos as 9:45 e remataremos as 13:45. O autobús recóllenos e lévanos de volta a Lalín, e chegaremos arredor das 14:15 horas de novo a praza da igrexa.
- Material: Recoméndase levar un pequeno avituallamento sólido e líquido. Hay fontes en varios puntos da andaina.
- Inscripción: Prezo 5 euros que corresponden ao custe do autobús. O ingreso hai que facelo no número de conta seguinte: 2100 2798 77 0200075375 poñendo no concepto andaina a zobra o nome de quen ingresa e o número de participantes. Prazo de remate da inscripción o venres 25 de maio.
- Para calquera dúbida podedes chamar a os teléfonos 699396212 e 665820790, neste último en horario de tarde.
Xov, 24 Mai 2012, 22:43 Asunto: Re: Lalín. Andaina a Zobra e as Liñeiras. Concellos Saudables.
Hoxe démoslle un repaso ao percorrido da andaina e o percorrido e a paisaxe estaban espectaculares. Un día radiante e primaveral, un marco incomparable, as fontes que atopamos polo camiño daban auga fresca e limpa. A devesa de Couso e As Liñeiras lucía en todo o seu esplendor...
Lástima da previsión de posible choiva para o domingo. Se se aguanta un pouco a choiva ata a tardiña, libraríamos de mollarnos.
efervescente
Foreiro infantil
1/01/08
0 Carreiras
127 Mensaxes
Lun, 28 Mai 2012, 21:19 Asunto: Re: Lalín. Andaina a Zobra e as Liñeiras. Concellos Saudab
Zobra volveu a ser un marco incomparable para unha nova andaina organizada por Concellos Saudables. A climatoloxía respetounos e mantemos a participación en torno a trinta persoas.
Podes publicar novos temas Non podes responder a temas Non podes editar as túas mensaxes Non podes borrar as túas mensaxes Non podes votar nas enquisas Non podes adxuntar arquivos Podes descargar arquivos