Mar, 11 Nov 2014, 10:24
Asunto: Re: Carrera de menores - Vigo +11
O domingo presenciei a entrega de trofeos, e gustaríame dar a miña opinión co máximo respeto a todos. O regulamento establece que se entregaría trofeo ao primeiro clasificado de cada categoría na carreira absoluta, e aos tres primeiros clasificados das categorías menores. Non se fixo así: entregouse trofeo aos tres primeiros de cada categoría dende junior ata veteranos D. Como é lóxico, logo non chegaron os trofeos para os nenos.
Grave me parece que o responsable da entrega de trofeos non coñeza o regulamento, pero máis grave aínda a maneira en que se reaccionou cando se deron conta de que non chegaban os trofeos. En vez de seguir chamando aos rapaces ao podium, explicar o sucedido, e dicir que se lles faría chegar os trofeos, intentaron rematar a toda prisa, chamando só ao primeiro clasificado feminino e masculino para entregarlles unha medalla. Fixeron unha chapuza.
Respecto dos que cuestionan os valores que estamos transmitindo aos nosos fillos, paréceme que está totalmente fora de lugar. Creo que a cuestión é que o regulamento hay que cumplilo, e se te equivocas, tes que disculparte e tratar de rematar da millor maneira posible. O domingo o espectáculo foi lamentable.
Por outra banda, a que neno ou adulto non lle gusta subir ao podium?
O problema é que chove sobre mollado. Na miña opinión a federación de Vigo se equivoca con demasiada frecuencia.
Por certo, as miñas fillas corren coa mesma ilusión todas as carreiras, e ningunha delas ten opción de subir ao podium, e pola miña banda, teño bastante experiencia na organización de carreiras, co clube ao que pertencimos as miñas fillas e eu ata a tempada pasada.
Insisto, o meu máximo respeto a todos. Un saúdo