Fri, 01 May 2020, 9:32
Post subject: Re: Os 21 do camiño
COMUNICADO OFICIAL
Lamentamos comunicar que definitivamente suspendemos OS 21 DO CAMIÑO 2020.
Ante a imposibilidade de cambiar de provincia ata o día 22 de Xuño e o descoñecemento do que será “a nova realidade” decidimos suspender e non aprazar a proba.
Con respecto ás inscricións deste ano tomamos a seguinte determinación:
A inscrición do ano 2020 será válida para a edición do 2021. Todos aqueles que prefiran cancelar a súa inscrición e que se lle reembolse o importe do dorsal, só terán que comunicalo durante o próximo mes de Maio no mail :
consulta @ championchipnorte.com. En Maio de 2021 voltaremos a abrir inscricións cos dorsáis devoltos. Queremos agradecer a Championchipnorte a súa disposición total, sabemos que para eles tamén está sendo un momento complicado e como sempre, colaboraron con nós sen ningún miramento.
Din que desta pandemia saíremos máis fortes, sinceramente, non o sabemos. O que sí sabemos é que o 2021 é ano Xacobeo e que por primeira vez temos máis dun ano para preparar OS 21 DO CAMIÑO, poñeremos todo o noso empeño en que a edición 2021 sexa a mellor edición da nosa historia. Regaládesnos toda unha tarde das vosas vidas en acompañarnos, se para nós sempre foi unha responsabilidade facelo ben, no 2021 teremos o reto de facelo mellor porque o COVID roubounos esta edición.
Para rematar, o que sí nos ensinou o coronavirus é que a saúde é o primeiro, por iso coidadevos moito, e se como din, isto é unha carreira de fondo, ós que amamos este deporte temos moito gañado. Vémonos en 2021.
Non hai cousa que máis desexemos.
