A Milla Urbana congregou a 200 corredores

Douscentos corredores de todas as idades participaron na VI Milla Urbana Concello de Ames que se desenvolveu en Bertamiráns o domingo, día 18 de xuño. A concellaría de Cultura organizou esta actividade de deporte popular na que conviviron deportistas profesionais e afeccionados.

Deportistas pertencentes a 13 clubs de toda a comunidade autónoma, ademais de corredores afeccionados de todas as idades se congregaron o domingo no contorno do Paseo Fluvial de Bertamiráns para medir as súas forzas como corredores de velocidade. O gañador da categoría absoluta foi Álvaro Prieto Fervenza que fixo un tempo de 4 minutos, 34 segundos. Contóuse ademais coa participación de Julián Bernal Medina de 87 anos de idade que competiu na categoría de veteranos C e acadou a 2Ã?ª posición.

Protección Civil de Brión, a Policía Local de Ames, Begano SA, Base: Centro Deportivo, Club Atletismo Milla de Ouro, Club Atletismo Sar- I. Mahía, Promocións Blanco Barreiro e a Cruz Vermella de Santiago colaboraron coa Concellaría de Cultura na realización deste evento deportivo.

Estiveron presentes na proba deportistas dos seguintes clubs: Club Atletismo Barbanza da Pobra do Caramiñal, Club Atletismo Milla de Oro de Ames, Club Atletismo Milladoiro de Ames, Club Atletismo de Ordes, Club Atletismo Sar de Ames, Club Atletismo Venturiña de O Grove, Club Deportivo Egovarros de Viveiro, Colexio Alca, Ximnasio Esparta de Santiago de Compostela, Instituto Bispo Guerra Campos de Ames, Club de Atletismo Liceo Casino de Vilagarcía de Arousa, Club de PiragÃ?¼ismo Ribeiras do Tambre de Ames, Club Polideportivo Casás e Lugo.

Ademais dos 200 deportistas participantes, 150 persoas seguiron como público as habilidades dos velocistas deportistas e afeccionados.

Concello de Ames