Lun, 01 Nov 2010, 13:40
Asunto: Re: Carrera Pedestre de Santiago de Compostela
Como sempre o moito que presta, a emoçom, e diria que mesmo a honra de correr pola cidade histórica e a extraodinária qualidade humana da gente de participa e o público. Parabéns a todo o mundo que nom se arredou polos trevons e a bravura outonal desta ediçom!
Também o agradecimento obrigado às empresas patrocinadoras, das que infelizmente tenho que excluir a empresa promotora ECG, que nom dou a mais mínima explicaçom de por que trasladou o financiamento à gente que corremos quando conta com mais patrocinadores ainda que outros anos. Censurou todos os comentários e preguntas na sua página e além do chip de desbotar (mais lixo, um passo atrás em sustentabilidade junto com a aberrante prática das dúzias de milhares de botelhinhas de plástico) nom engadiu melhora algumha na organizaçom. Alguém viu o helicóptero nom tripulado que anunciava ECG (com tecnologia da guerra do Golfo [sic])? Eu nom, nem falta que me fixo, penso que a sociedade hoje já nom fica abraiada com essas pailarocadas. Imos correr, gozar do deporte, do ambiente, e participarmos com orgulho num evento coletivo, sã e alegre
A importante baixada de inscriçons este ano penso que se compensou (só em parte) com o importante número de persoas que participavam sem dorsal (havia moitísima gente sem el), ou com dorsais reivindicativos com moita rexouba: DE BALDE, Nº000€, ...
Nom me pareceu mal a variante por medicina, metia unha costa forte ainda que curta, mas o tramo clássico polas Salvadas antes rebentava moito também, por que semelhava ser chão e ao final eram 1,2km de subida "camuflada" desde o campo de Santa Isabel até chegar à famosa costa de Vite.
Falava alguém numhas mensagens anteriores de se o concelho ia repartir os quartos da inscriçom em algo bom. Lembre-se que o concelho o que fai é pôr quartos e meios, e a recadaçom é por parte de ECG. Se quadra o que debe pensar o concelho é que se ECG nom é quem de oferecer este evento senlheiro na cidade como nas últimas três décadas, quiçá cumpra encargar-lha a algumha das boísimas empresas galegas que se adicam profissionalmente a isto, sabem gestionar bem os dinheiros e materiais dos patrocinadores e das cotas de inscriçom, rendem contas públicas e transparentes à administraçom e ao concelho que os contrata (e por tanto à cidadania), e que ECG pague o seu patrocínio para pôr o seu logo como as demais empresas.
Umha aperta moi forte ainda co peito cheio, e a segirmos a
ghastar sapatilha para a seguinte!
Última edición por Amodinho o Lun, 01 Nov 2010, 13:55; editado 1 vez