Ven, 30 Mar 2012, 23:42
Asunto: VII Carreira As Agüiñas. O Porriño 2012
Ola amigxs.
Xa fai un tempo, colgamos a data da vindeira carreira de As Agüiñas (13 de maio de 2012) que organizamos a xente do Club Atletismo Porriño tódolos anos nas nosas instalacións do Polígono Industrial de A Granxa. A nosa pretensión era, como cada ano facer unha festa popular cxs máis cativxs e adultxs.
Estábamos tocadxs anímicamente pola afección dun vial que están a executar ó carón das instalacións que modificou o planning de adestramentos deste ano, así como o futuro circuito da carreira. Ainda así, pensábamos que tiñamos que seguir coa organización e que xa nos apañaríamos como fose.
Có que non contábamos é que as axudas municipáis anuáis íanse ver afectadas polos malditos recortes. Rebaixáronnos o orzamento en máis dun 50%, o que nos obriga a replantexar a situación moi seriamente.
Tras comentalo toda a xunta directiva, atopámonos neste intre na situación de dúbida para plantexar a carreira.
Sempre nos opuxemos á idea de cobrar por unha carreira, xa que entendemos que ten que ser un ben común e gratuíto, e así seguiremos ata o final. Preferimos non facer a proba si temos que facer que a xente desenbolse cartos para disfrutar dunha carreira popular.
En caso de facer a proba, que todavía está por determinar, para nós prima a participación dxs cativxs, xa que foi o fío conductor dende a primeira edición.
Por iso, vos anticipamos que de facer algo, o faremos con todo cariño, coidando os detalles, pero estes van a ser mínimos. É probable que a cronometraxe a fagamos nós mesmos, eliminando todo tipo de premios e agasallos (camisetas principalmente). Pensamos que hoxe en día, cada quen ten un reloxo con cronómetro que leva ás probas....neste aspecto, non nos preocupa colgar tódolos tempos, pero sí facer unha clasificación ordeada de chegada colocando só os tempos que poidamos rexistrar. Sabemos que isto non agrada a todo o mundo, pero antes de nada, debería primar a organización da nosa proba!.
Abrimos este fío, para que se faga un debate crítico e construtivo para esta edición, reservándonos a posibilidade de non facer a proba dependendo de que se podan incrementar as axudas municipáis.
Entendíamos que era a nosa obriga darvos esta explicación, xa que, ó fin e o cabo somos unha gran familia.
Manteremosvos informados en canto teñamos novas.
Un afectuoso saúdo.
Xunta directiva do Club Atletismo Porriño.
