Mar, 16 Out 2012, 12:43
Asunto: Re: Circuito de Carreras Corre SAN-TIAGO
Bueno, pois chegamos ó fin do I CorreSAN, e case que teño pena porque non continúa con máis probas.
A nivel particular non estiven ao 100% físicamente e nalgunha carreira noteino ben, como nesta última, na que se me puxeron como pedras as pernas nos últimos 1,5 km, xusto onde o meu corpo tiña que ir de memoria polo moito que adestramos nesa zona. Pero podo dicir que disfrutei moito de todas e cada unha das carreiras, aínda que me apena que non tivese vido máis xente (será que estarán preparándose para rachar o crono da Pedestre).
Sen dúbida hai que felicitar primeiro a Derek, que foi o auténtico motor de todo isto, sen esquecer a todos os voluntarios e colaboradores, xa que doutro xeito este circuíto non podería ter lugar. Non olvido tampouco ao Concello, que fixo o esforzo por apostar por este proxecto aínda estando en tempos de crise.
Regular baixo para "El Correo Gallego", que aínda sendo patrocinador/colaborador parece que ten medo de que este Circuíto lle faga sombra á Pedestre. Cando se lles quite a tontería (así de claro falo), quizais comecen a ser recoñecidos como auténtico medio de comunicación (se non o corrixiron, na última crónica recollida poñía que corrimos no Multiusos... do Sar, en fin...).
Falando no nome do Noitebra, quero dar grazas por todas as felicitacións que recibimos (organización, equipos como o Fontes, o Milladoiro... e moitos outros amigos). Somos un club MOI PEQUENO, máis ben familiar, que non ten outra finalidade máis que animar á xente a facer deporte e compartir vivencias nas carreiras e adestramentos. A xente que forma parte do noso equipo non terá ós mellores adestradores, nin medios, nin competirá na élite, pero terá un "equipo" que tratará de darlle, cando menos, apoio e sentimento de grupo de forma incondicional. Por elo felicito a todos os nosos atletas participantes no CorreSan, polo seu esforzo e ilusión co Circuíto, aínda que sei que puidemos ser máis, e finalizo con esa sensación de poder ter feito máis neste senso.
Así mesmo, creo que para vindeiras edicións todos os equipos de Santiago e comarca, todos os medios de comunicación locais, Concello, etc. teremos que poñer máis da nosa parte para aumentar a participación en todas as categorías, facendo difusion, etc., xa que creo que o esforzo feito polos organizadores ben merece ser recompensado coa nosa presenza masiva.
Sobre novas probas, sería fermoso ter esa "escalada" ao Pedroso, sen olvidar a San Silvestre, da cal xa tirou un cabo por aí Derek para facela por fin oficial e recompensar aos nosos amigos do CAR Santiago, que ben o merecen.
Finalmente, felicitar a todos os gañadores nas diferentes categorías, en especial aos absolutos, Samuel e Yolanda, atletas de alma "popular" e que xa deixaron no palmarés escritos os seus nomes como vencedores desta primeira edición. Foi un pracer compartir con eles cada una das carreiras.
Vémonos pois no 2º CorreSan!!!
