Lun, 29 Xul 2013, 22:31
Asunto: Presentación do Club Alejandro Gómez – Purina de Mushing
Presentación do Club Alejandro Gómez – Purina de Mushing
Os integrantes do Club Alejandro Gómez despois dun ano de colaboración co Club ACADE no que disfrutamos e aprendemos, consideramos que é o momento de dar un paso adiante e crear o noso propio equipo de Canicross e Bikejoring, da man de Purina que fai unha aposta polo noso club e por este deporte en auxe.
Este equipo créase coa idea non de dividir senón de sumar novos esforzos, novas ideas e novas formas de facer as cousas e todo sempre sobre a premisa de que o máis importante son os cans e seguindo dúas liñas principais: a competición e a promoción.
A nivel competitivo contamos con algúns dos mellores equipos can-guía a nivel nacional e internacional, un grupo de xente e cans que estades afeitos a ver en tódalas carreiras e tamén equipos novos que se inician neste belísimo deporte.
A nivel promoción temos moitas ideas que iremos levando a cabo para dar a coñecer o mundo do mushing e conseguir máis practicantes dunha disciplina en alza e realmente aditiva.
Convidamos a formar parte desta iniciativa a todo aquel interesado en participar e desfrutar deste maravilloso deporte.
Poñémonos á vosa disposición a través deste fío do foro e tamén da nosa páxina de Facebook: Club Alejandro Gomez Purina
