Mar, 04 Ago 2015, 20:58
Asunto: V Memorial Paco Cabanillas Bueu (29/08/15)
O Instituto Municipal de Deportes de Bueu, coa colaboración do Clube Atletismo Corredoiras, organizan o sábado 29 de Agosto o V Memorial Paco Cabanillas en homenaxe ao atleta de Bueu que fora Campión de España de 100 metros no ano 1943.
As probas, tomarán a saída na zona do pavillón de deportes Pablo Herbello.
Primeiramente, a partires das 19:00h celebraranse as carreiras de 100 metros lisos sobre asfalto e xa logo ás 22:00 horas celebrarase a carreira de 10 quilómetros.
Ámbalas dúas competicións serán de carácter popular e non se precisa posuír licenza federativa.
A carreira de 10 Quilómetros consta dun circuíto urbano con saída e chegada na rúa Ramón Bares á altura do cruce coa Rúa Staffan Morling, na saída se darán dúas voltas a zona do pavillón para despois baixar ata a zona da costa onde se darán outras dúas voltas para subir finalmente ata a meta.
Poderán participar as persoas que o desexen, maiores de 16 anos, o correrdor/a ten que estar fisicamente ben preparado para a carreira, gozar de boa saúde xeral sen padecer enfermidade, defecto físico ou lesión que poida agravarse coa súa participación en dita proba. O deportista asume que para a realización da da proba é necesaria unha condición física, psíquica e deportiva.
As inscricións faranse na web
www.cronotec.es cun costo de 5€ por participante para a carreira de 10 quilómetros que inclúe o dorsal, bolsa de
agasallos con camiseta conmemorativa(para as 300 primeiras inscricións), froita e bebidas.
As inscricións para as probas de 100-80-60 metros lisos serán gratuítas faranse a través dun formulario na páxina web
www.corredoirasbueu.wordpress.com
Para ás dúas probas a data límite de inscrición será o 27 de Agosto.
Disporase de servizo de duchas e gardardaroupa, esta será unha carreira solidaria polo que pedimos a todos os participantes que colaboren deixando alimentos para o banco de alimentos de Bueu.
Todo o que non apareza reflectido neste Regulamento se rexerá pola normativa a Federación Internacional de Atletismo (IAAF). A participación no V Memorial Paco Cabanillas leva consigo a total aceptación do Regulamento presente.
Última edición por CorredoirasBueu o Sáb, 22 Ago 2015, 7:38; editado 6 veces
