Sáb, 04 Mar 2017, 19:43
Asunto: Carreira da Filloa 2017 - As cousas non se fan así!
Boas tardes. Acabo de chegar á casa tras a Carreira da Filloa en Lestedo. Este ano un amigo e eu animamos a varios a vir e ao final fixemos equipiño de 5 persoas, algunhas vindo dende Coruña especificamente para correr alí.
Por mágoa véxome na obriga de colgar un post de queixa e de resarcimento da miña honra persoal xa que acabando de primeiro (con bos sudores e esforzo, por certo) fun descalificado e sentinme tachado de tramposo pola organización.
Esta é a verdade do acontecido para que non se tomen por verdade os rumores:
- Ao final da subida do Pico Sacro íamos de primeiros un corredor do Noitebra e eu detrás, con boa vantaxe sobre os seguintes. Pasamos o avituallamento, subimos un pouco máis e unha persoa que creimos da organización ao estar nun cambio de sentido, nos dixo: "Animo chavales, a esquerda e despois todo pa baixo". O corredor que ía por diante foi o que fixo (esquerda e pa baixo) e eu o seguín. Máis adiante nos comentamos que ao mellor nos indicaran mal porque non pasaramos por un tramo de corda que dixeran. Quedamos en comentalo na meta para que valorasen o asunto. Acabamos a carreira gañándolle eu a este compañeiro no sprint.
- Inmediatamente ao rematar ambos os dous lles comentamos o asunto á organización, lles dixemos onde estaba o que nos falou, eu mesmo lles ofrecín descargar o track do meu reloxo no móbil para valorar se había moita vantaxe ou se foran só uns metros, dixéronme que non facía falla que subía un deles a valorar o asunto en coche ou non sei como. A organización nos di que se non hai queixas queda a cousa así, e eu quedo a entrega de trofeos.
- Antes da entrega de trofeos, o speaker ven xunta min e me di que tiveron reclamación e que a organización, para non facer agravios, valora que ten que penalizarnos con non sei canto tempo o que equivalía a perder dous postos, gañando así un corredor do clube Petroni. Eu lle digo que ACATO a decisión. O speaker vai falar co corredor afectado do Noitebra e se pasa alí falando uns minutos con el e outros corredores dese clube.
- PARA A MIÑA SORPRESA, sen volver a falar comigo para comunicarme un cambio de sanción e deixarme posibilidade de alegación ou mesmo de presentarlles exactamente o meu track, o speaker ponse a falar dicindo: "con moita honradez os dous primeiros clasificados, Pablo ehm ehm (nin a decencia de saber o apellido) e Nome Apelidos do outro corredor, xa nos dixeron que non correran unha parte do recorrido na cima do Pico Sacro, así que decidimos descalificalos"
- PARECEME INDIGNANTE, NON A DECISIÓN (que eso si non comparto, porque unha descalificación é moi grave e nós realmente fumos enganados, ao mellor sen mala vontade, pero enganados) SENÓN A MANEIRA DE TACHAR DE TRAMPOSOS " A POSTA" a dous corredores que fixemos unha carreira excelente e tivemos un comportamento do máis deportivo. Era tan sinxelo como dicir que unha persoa nos indicará mal e que por iso non seguiramos parte do recorrido e despois a decisión que fose.
Polo menos que quede claro que ningún dos dous implicados somos ningún tramposo. Boas noites e vémonos nas carreiras.
Última edición por PabloAyagarim o Sáb, 04 Mar 2017, 22:22; editado 1 vez
