Este sábado pasado tivemos un novo día de traballo para pechar o trail longo.

Día ben aproveitado e que deu os frutos apetecibles. Inda que toda Organización busca a súa carreira perfecta, as veces ten que valorar moitas variables antes de acometer certas modificacións.

Este ano imos modificar uns tramos co fin de quitar tramos de pista no trail curto e no trail longo. Outras modificacións quedarán para o ano 2018.

Os percorridos das diferentes categorías terán as seguintes distancias:

-Prebenxamíns (6 e 7 anos): 700 mts.
-Benxamíns (8 e 9 anos) e alevíns (10 e 11 anos): 1 km 200 mts.
-Infantís (12 e 13 anos) e cadetes (14 e 15 anos): 2 kms 700 mts.
-Xuvenís (16 e 17 anos) e parellas (mixtas ou do mesmo sexo): 14 kms.
-Senior (18 a 35 anos), Veteran@s A (36 a 49 anos) e Veteran@s B (50 anos en diante):
A) Trail Curto: 14 kms.
B) Trail Longo: 29 kms.

Seguiremos informando.

Antes de que comecemos un fin de semana caluroso e que chama a perdernos polas maravillas da natureza espalladas polo mundo adiante deixámosvos duas informacións relativas o III Trail Encontro Monte Pindo en formato imaxe.

Boa fin de semana e bos adestramentos.

¡Inscrición abertas en: Galitiming!.

Acabamos de abrilas fai uns minutos. Pregamos que antes de inscribirvos consultedes o regulamento existente na mesma plataforma.

Deixamos o cartaz provisional que irase actualizando a medida que vaiamos pechando acordos coas diferentes casas comerciais e empresas.

¡Esperámosvos a tod@s cos brazos abertos!

Bos días:

Os datos oficiais en canto a desnivel serán os seguintes:

TRAIL LONGO (29K): 1477 mts desnivel positivo, 1470 mts desnivel negativo.

TRAIL CURTO (14K): 621 mts desnivel positivo, 623 mts desnivel negativo.

En canto o terreo, indicar que hai de todo: un treito de asfalto, pista, sendeiros, baixadas e subidas técnicas, zonas rápidas, zonas lentas, ...

En canto o que comentas do tempo de corte a falta de analizalo facendo todo o recorrido está pensado para chegar ó derradeiro avituallamento en 4:00-4:15 horas. O ano pasado o corte de tempo estivo alí mesmo en 3:45 horas e pasáronno todos os corredores de maneira folgada. Ademais este ano as probas adultas comezan 15 minutos antes. Tamén recomendaremos o que os participantes do longo leven frontal por si acaso o tiveran que usar. As veces mais vale previr que lamentar.

Por último dicir que a proba que realizaban os compañeiros de GMTA e ésta non son comparables. Se ben teñen puntos comúns en canto a recorrido, no seu conxunto son totalmente diferentes. O III Trail Encontro Monte Pindo é bastante mais corrible sen perder a esencia da dureza das zonas técnicas e pedregosas.

Bos días trailer@s. Deixamos aquí imaxes dos percorridos e perfís das probas trail curto (14K) e trail longo (29K).

Esperamos que sirvan como motivación para compartir con nós o III Trail Encontro Monte Pindo.

Recordade, inscricións abertas en: encontropindo.galitiming.com/

Bos días. As veces unha imaxe vale mais que mil palabras.

Deixamos unha imaxe cunha visión xeral dos diferentes percorridos previstos para o III Trail Encontro Monte Pindo.

As incricións están abertas en encontropindo.galitiming.com/

Boas tardes, xa estamos a metade de semana e aquí deixamos rexistro gráfico dos diferentes percorridos dirixidos as categorías prebenxamín, benxamín, alevín, infantil e cadete.

Esperemos que vos gusten e poidamos ter a moitos rapaces e rapazas disfrutando da natureza.

Inscricións abertas en encontropindo.galitiming.com/.

Onte mostramos os percorridos das categorías infantís. Hoxe imos mostrarvos os das categorías xuvenil, parellas e adultos.

Dúas distancias a escoller: 14 ou 29 kilómetros. Escollades a que escollades non vos ides arrepentir. Paisaxes naturais de gran valor e de gran beleza espéranvos no III Trail Encontro Monte Pindo.

As incrición están abertas en encontropindo.galitiming.com/. O vindeiro 15 de xullo queremos saudarvos a tod@s.