Mar, 17 Abr 2018, 18:06
Asunto: Re: Diario de Sonsuso
Crónica da VII Maratón Coruña42 (1ª parte)
Este camiño comezou o luns 8 de xaneiro. Era como a volta ao traballo despois do parón de Nadal. O meu parón foi algo máis longo que só dúas semanas, xa que dende comezos de decembro (Media Maratón de Vigo) non corría por problemas no piramidal. Así que tocaba comezar case de cero. Digo case, porque de setembro a novembro si que adestrara con asiduidade e os resultados ían saíndo (MMP en 10km na Coruña10, 38'12"; e MMP en maratón en Porto, 3h13'02"). Así que algo xa estaba feito. Este camiño tería 14 semanas. 14 semanas e
un obxectivo, a miña 7ª maratón,
a Coruña42.
A idea era seguir, como boceto, o plan de Gavela sub3h. Sen presións, sen obrigas, pero empregalo como idea xeral. Comezou con calma, 38,4km (
1ª semana) e 44km (
2ª semana) nas dúas primeiras semanas (incluíndo a Meia Maratona de Viana como tirada máis longa: 1h26'). A partir da terceira xa aumentamos a carga e comezaron as tiradas longas. A miña idea inicial era rondar cada semana os 70-80 km semanales pero comezar rápidos con tiradas de 30km (pode que demasiado). Iso si, a un ritmo cómodo e que o corpo asimilase ben, sen esixirlle moito. Así fixen: 66,6km con tirada de 29,5km (
3ª semana); 86,2km con tirada de 29,4km (
4ª semana); e 77,2km con tirada de 17,7km (
5ª semana). Nas dúas semanas seguintes tocaba reducir volume para atacar
os dous primeiros miniobxectivos: a Coruña21 e os 10km de Padrón. Así, na
6ª semana fixen 39,2km e 1h22'27" na Coruña21 (MMP); mentres que na 7ª semana foron 46,1km e 37'58"km en Padró (MMP). A
8ª e a 9ª semana foron as de maior carga con 81,8km e 84,6km respectivamente (con tiradas de 27,2km e 32,9km). Chegaba a
10ª semana, e con ela
o terceiro pequeno test: a Interruning. 37'38" e MMP en 10km. Logo 80,3km e tirada de 30km (
11ª semana), 75,4km e tirada de 30km a 4'22"/km (
12ª semana), e 62,6km incluíndo a VigBay (
13ª semana).
Así comezaba a
14ª semana. Descanso e máis descanso era a receta. O traballo estaba feito. Nas seis maratóns anteriores nunca pasara dos 500 km no mellor dos casos nin adestrara en condicións, pero nas tres nas que fixera 3h13' (Coruña2014, Coruña2015 e Porto2017) se algo chegaba era descansado. Así que estaba claro que tiña que facer. Dúas pequenas saídas o martes e o xoves puxeron punto e final a este plan de 14 semanas.
Toda esta última semana
a cabeza daba moitas voltas sobre que facer, como encarar a carreira, que estratexia seguir. Non había lebre. Co tempo que fixera na Coruña21, a tirada longa de 30km a 4'22"/km e o test de Gavela 10 días antes, tiña claro que tiña que
intentar o sub3h. O que non sabía era o como. Non había lebre, así que sabendo que Maseda ía andar neses tempos, falei con el. Unhas liñas de mensaxes e xa había estratexia: ata o km 10 movernos ao redor do 4'15"/km e a partir de aí manterse constante en 4'12"/km para ter marxe nos últimos quilómetros, logo 30km cada un tería que decidir. Comentoume que un compañeiro seu de equipo e jose.losada tamén se animaban. Así que xa éramos 4. Xa había grupo.
É sábado. Veñen comer meus pais e miña irmá ao meu piso en Compostela, pois meus pais estarán comigo na Coruña e miña irmá tamén vive na capital. Pasta ao ovo e empanada de zamburiñas é o menú. Ese día mandaba eu na cociña. Entre charla por aquí e broma por alá, xa eran as 17h e estábamos de camiño á Coruña. Dirección Marineda a recoller o dorsal.
Alí mesmo cenei a iso das 19h para facer ben a dixestión e ir a cama cedo. Ás 22h xa estaba no hostal, ás 22h30 xa estaba en cama, pero ás 00h15 aínda estaba desperto. Nin ler, nin pechar os ollos durante decenas de minutos seguidos. Nada funcionaba. O despertador estaba para as 5.30. Finalmente durmín, pero me despertei algo antes das 5am. Durmira 4 horas e media máis ou menos. As cartas estaban botadas. Ducha, almorzo dos bos e ás 7h40 saín cara María Pita ao guardarroupa, onde coincidín con varios compañeiros de equipo e fomos xuntos ao obelisco. Carmafoto ás 8.00, ir ao baño, último abrazo a papá e mamá, pasar pola cámara de chamadas e ... e xa son máis das 8.15. Quédome sen fotokedada (aínda que logo me entero de que non houbo).
8:25 e entro no caixón. Xa nos minutos anteriores 4 compañeiros do Carma me din que vai a ir a por un sub3h. Tamén me atopo con
iRattle alí e se une. Xa somos 9 e seguro que alguén máis habería. Pinta ben a cousa. O tempo pasa e non dan a saída. Toca esperar, escápome e vou ao baño, que non saímos, vou falar con meus pais e xa avisan de que agora si, de que agora todo está OK.
Son as 8:52, comeza a VII Maratón Coruña42.
