Xov, 14 Feb 2019, 15:23 | pepemanba escribió: |
| Ano novo, propósitos non tan novos! Volvo a retomar a dinámica do blog recuperando unha experiencia pasada: un diario de adestramentos con viñetas que recollen as tiradas rutinarias. Nesta ocasión, o nome da sección creo que é bastante revelador da primeira meta do 2019: este caderno de VIGtácora ten a intención de plasmar toda a preparación para o maratón Vig-Bay 2019. Unha distancia inédita nesta cita e que se celebra por primeira vez para conmemorar a súa XX edición. Agardo que vos pasedes por esta bitácora e que toda esta aventura teño un bo remate. Vémonos por aquí, a fume de carozo! |
Xov, 14 Feb 2019, 15:25 | pepemanba escribió: |
| Segunda semana do caderno de VIGtácora e intentando facer malabarismos entre a vida social e o adestramento serio de maratón. Aínda quedan semanas por diante ata abril, pero vai tocando mentalizarse… Hai marxe para poder ter un pouco de troula, pero é necesario ter disciplina para non caer nos excesos… E se todo isto non era suficiente, o clima frío da Coruña invernal, non axuda moito para manter o ritmo. Ferro a fondo e run run run! |
Xov, 14 Feb 2019, 15:29 | pepemanba escribió: |
| Terceira semana de adestramento e as primeiras boas sensacións que xa van chegando! Xa se nota que as pernas van almacenando km. e a vaise gañando fondo pouco a pouco, aínda que o clima segue sen ser favorable i en ocasións baixar tantas veces só non resulta tan divertido… Total, 30 km máis para o taxímetro e a seguir sumando! |
Xov, 14 Feb 2019, 15:31 | pepemanba escribió: |
| Un problema habitual á hora de preparar un maratón acontece cando tes que sacar tempo de onde non existe. Hai moitas nais, pais, currantes…; que non teñen minutos para saír a rodar aínda que sexa media hora. E flípame cando con todo isto, logran sacar un intre das súas vidas para saír correr. No meu caso, a miña cuarta semana coincidiu cunha viaxe programada de hai tempo (e moi agardada): o Festival Internacional de Cómic de Angoulême, o evento europeo máis grande do noveno arte. Non estou habituado a correr durante unha viaxe de lecer, pero nesta ocasión logrei meter o atuendo de “superheroe” e as zapatillas como puiden dentro das diabólicas limitacións de equipaxe de man de Ryanair. E alí caeron 10 km e pico, unha experiencia moi estimulante ó correr por un sitio que non coñeces e por unha ruta que probablemente non repetirei por circunstancias da vida. Unha amiga sempre me dicía que saía correr durante as súas viaxes e a min non me remataba de convencer o argumento, pero a verdade que estivo moi interesante (irei xa sendo maior? Non respondades, por favor). |
Xov, 14 Feb 2019, 15:33 | pepemanba escribió: |
Continúan as boas sensacións e o mal tempo… No plan inicial xa debería ter feitos máis tiradas e con máis km, pero entre as limitacións horarias e o imprevisible climas destes días, non dou feito… As boas novas é que as sensacións o ir correr seguen sendo positivas e noto progresión, aínda que pasen catro días entre sesión e sesión. Todo un descubrimento as sesións de maratón organizadas polo Club Hércules Termaria! Todos os domingos ata o fin de semana de abril da maratón de Coruña hai sesións gratuitas para baixar en grupo e preparar tanto a C42 como a VigBay. A miña primeira participación foi cun maratest no que acompañado por xente do clube e outras Beerrunners marcamos un bo ritmo de carreira… Que siga a aventura! |
Xov, 14 Feb 2019, 15:35 | pepemanba escribió: |
| Unha semana un pouco máis animada! Ademais de plans persoais fóra do mundo runner que meten ilusión e ganas de ver mundo, esta semana tocou correr por terras barcalesas en boa compañía. Desafortunadamente, ás veces acontecen incidentes (a pouca fortuna que podes ter é non vivilos en primeira persoa…). Unha semana de 25 km que agardo superar para a seguinte, agora que xa cheguei ó ecuador do adestramento… Toca apretar os dentes cos (poucos) deberes feitos ata o momento e intentar recuperar os kms que foron quedando polo camiño! |
Mér, 20 Feb 2019, 8:19 | pepemanba escribió: |
| Hai semanas con citas importantes nas que non saen as cousas como un espera… E menos mal que todo é cuestión de relativizar e realmente non son cousas preocupantes, pero cadrou que na semana do ecuador do adestramento foi máis axitada do previsto… Tanto o luns como o mércores foron rodaxes dentro do previsto, un cun ritmo máis alegre e outro máis relaxado… O fin de semana por motivos persoais non tiña decidida a miña asistencia na Media Maratón de Coruña, e xusto cando unha colega runner me conseguira un dorsal sen participante, o sábado tiven un amencer horripilante de malestar físico con mareos e baixón de tensión. Despois de recuperarme ós poucos durante todo o día ata chegar con febre de sábado noite (febre da mala), tomei a última decisión coa almofada… E entre o dilema de ser racional e repousar, e o de ser irruncional e non saltarse un adestramento de 21 km nun momento decisivo, gañou o segundo. Aclaración: o amencer do domingo non tivo nada que ver co da mañá anterior. Por sorte, dentro da indisposición previa, a carreira tivo moi boa meteoroloxía, e dentro de que noutro contexto podería ter apretado un chisco máis, deixar a marca desta edición do Medio Maratón en sub 1h 45min déixame máis que satisfeito. Sobre todo, porque a semana pasada non sabía se podería ter dorsal e o día antes non tiña nin idea de se podería tomar a saída. VIÑETA EXTRA BONUS: Correr con Super Lili o teu carón en Coruña é sentir moi de preto a fama local dunha superstar. |
Mar, 26 Feb 2019, 22:58 
Xov, 28 Feb 2019, 11:07
Sáb, 02 Mar 2019, 17:51 
Sáb, 02 Mar 2019, 18:05 | Pepemanba escribió: |
| Caderno de VIGtácora [Semana 9] O clima acompañou bastante, pero as que non o fixeron foron as fontes do paseo: no tramo que pasa de fronte á Escola Pablo Picasso, hai dúas consecutivas que non funcionan… Se alguén con contactos no concello koruño le isto, xa sabe o que toca!! |
Mar, 12 Mar 2019, 7:43 
Mar, 12 Mar 2019, 14:44
Sáb, 23 Mar 2019, 9:31 | freakyrunning escribió: |
| Hola Pepe: Certifico lo de las fuentes de la zona de Pelamios, el viernes pasado me cagué en todo. Certifico lo de Vioño, antes me pego un tiro que hacer los 10 km dando vueltas. Puedes probar a tirar hacia Meicende vuelta a la presa desde Vioño es un diez mil, o hacer el Parque de Sta, Margarita que cuando corría yo por allí hacía un circuito de 800 m durísimo pero más entretenido, el problema son los chuchos, cosa que también hay en Vioño. Noraboa por esas viñetas, soy fan. |
Sáb, 23 Mar 2019, 9:33 
