Xov, 26 Dec 2019, 19:47
Asunto: Re: San silvestre Mugardos/ares/mugardos
AVISO
O Concello de Ares, INFORMA que a Carreira Popular de Fin de Ano 2019, celebrarase o vindeiro domingo día 29 de decembro, ás 11h. e terá como lugar de saída e de chegada a pista exterior do colexio público aresano de “ As Mirandas”, toda vez que finalmente será imposible a saída e chegada ao pavillón mugardés por non ter rematadas as obras que teñen lugar na citada instalación deportiva.
Por todo elo, será na pista exterior do Colexio “ As Mirandas” de Ares, situado ao carón do pavillón deportivo aresano, onde dende as 9h da mañá do vindeiro domingo día 29 de decembro, poderán retirarse os dorsais dos participantes na carreira. Lembramos tamén que xa na xornada do sábado 28 de decembro, en xornada de mañá e de tarde, será posible retirar o dorsal nas dependencia so Complexo acuático do Castro, en Franza. Cada participante recibirá cadanseu dorsal e o tradicional gorro de PapaNoel co que deberá iniciar a carreira na saída.
A carreira discorrerá dende o pavillón de Ares, dirixíndose cara ao centro da vila aresana a través da Avda de Mugardos , ata o paseo marítimo, dende alí pasará por diante do centro de Saúde e do Parque Rosalía, cara o Mazote, para achegarse ata a rotonda de entrada Ares dende Mugardos e xa enfilar a subida cara Simou e o posterior descenso a Mugardos entrando polos Corzás, logo Rúa María ata o Peirao, subida pola Avda do Mar cara ao Peteiro, xirando onde o Parque da Cruz, cara O Cristo, onde o Instituto, e seguir pola Rúa do Cristo pasando por diante do pavillón deportivo mugardés, onde estará situado o aviatuallamento líquido, e xa chegar aos Catro Camiños, enfilando á dereita de novo o regreso cara a Ares, accedendo pola Avda. de Mugardos ata o cruce da rúa do colexio de Ares onde estará situada a meta.
Na chegada, a cuberto, na pista exterior do colexio aresano, disporase o avituallamento final, sólido e líquido, ademáis estará situada a zona de duchas e vestiarios, así como a guardarropía. Alí mesmo, media hora despois da chegada celebrarase o tradicional sorteo de cestas navideñas.
Dende a Concellaría de Deportes de Ares aproveitase a ocasión para desexar Felices Festas, Próspero Aninovo, e moito Deporte para a veciñanza neste vindeiro 2020.
