Lun, 12 Abr 2021, 7:38
Asunto: Re: ¿ Correr con o sin mascarilla ?
Dende que deixaron sair a correr optei por aplicar o sentido común en función do que íamos sabendo da enfermidade que, basicamente, era ir so (para evitar rebufos), correr o aire libre e, no caso de cruzarme con alguén, separarme o máis posible e incluso baixar o ritmo e camiñar. Así pasaron meses e esa forma de actuar (que facía eu e entendo que unha grande porcentaxe da xente que corría) non parece que influíra nas vagas da enfermidade nin na incidencia. Non sei qué pasaría se todo seguise así, pero a alguén en Galicia -a partir da terceira vaga onde cundíu o pánico en Galicia, tristemente de forma xustificada- se lle ocurríu que puxéramos unha máscara para correr para evitar contaxios. Supoño que as mesmas persoas que, por exemplo, querían aumentar o número de comensáis das ceas de Nadal sen contabilizar nenos. Os mesmos expertos. Tendo en conta que unha máscara mollada e manipulada e mal colocada baixa a efectividade nunha cantidade porcentual considerable, non se entende que, supoñendo a actividade de correr un risco grande de contaxios, non se tivera prohibido a mesma. A non ser que quen faga as leis actúe con descoñecemento, sen asesorarse, e obviando estudios, o cal non pode ser dunha persoa á que se lle supón que unha parte grande do seu traballo hoxe en día esté adicada ó estudio dunha pandemia, minimizando as molestias a unha poboación xa bastante amargada por outras causas máis graves.
Debido a este esceario confuso, optei por levar unha máscara, para evitar sustos en forma de multa e para facilitarlle a vida ós corpos da orde. Eso si, o máis do tempo baixada (teño a sorte de poder correr case sempre por lugares non concurridos), e levantándoa se cruzo a alguén, pero realizando as mesmas "maniobras" que facía antes, esto é, correr so e alonxándome todo o posible da xente, ou baixando o ritmo se non o podo facer. Pero sobre todo escapando da falsa seguridade que podería darme levar un trapo sudado e mal colocado diante da boca.
E así seguirei actuando cando menos unha temporada; xa non me molesto en ler leis ambiguas, confusas, e contradictorias, porque ademáis os policías de balcón xa interiorizaron que correr é con máscara e quizáis te cruces con algún que non teña un bo día (recoñezo que lles collín algo de medo). Ou, quen sabe, ó mellor montan excursións para ir a algunha comunidade veciña a correr sen máscara, como facían nos tempos do destape para ir ver películas a Francia. A facer cousas indecentes. En fin, son os tempos que corren.
