Mar, 01 Mar 2022, 13:33
Asunto: VII ANDAINA TERRAS DE ALTAMIRA - CONCELLO DE BRIÓN
Un ano mais presentamos unha nova edición da Andaina Terras de Altamira - Concello de Brión, chegando así a súa VII edición. Novamente esta proba está incluida no calendario da
COPA GALEGA DE ANDAINAS DE 50KMS da FGM e será puntuable para a mesma con 1 punto. Como novidade nesta ocasión tamén estará incluída na
LIGA DE SENDEIRISMO da FEDME.
Ao longo destes sete anos a proba foi medrando co tempo ata chegar a cotas que nun principio críamos inalcanzables; así pois, na anterior edición, antes da era COVID, chegamos aos 525 participantes. Este nivel de aceptación conseguese polo trato próximo e amable cos/as participantes ofrecéndolles un amplo abano de servizos e agasallos e intentando que todas e cada unha das persoas que participan da proba desfruten da mesma sen ter que preocuparse de nada mais que andar e recrearse coa vistosidade paisaxistica dos camiños e sendeiros polos que descorre a mesma.
Unha vez mais a edición contará co
formato xa coñecido de 50 kms distribuidos en tres distancias, o que facilitará que sendeiristas con distintos niveis de forma poidan anotarse a esta proba, podendo realizar a distancia que desexen segundo as capacidades de cada un.
A primeira distancia, a mais curta, está pensada para que as familias ao completo se aninmen a facela pois, debido ao seu baixo nivel de dificultade, memso a rapazada ou sendeiristas con pouca experiencia poden rematalo sen problemas.
Os sendeiristas mais avanzados poden optar por completar a distancia total de 50kms que terá a andaina, recibindo así a puntuación para participar na Copa Galega de Andainas de 50 kms da Federación Galega de Montañismo.
O principal obxectivo desta proba é fomentar a realización de exercicio físico de maneira non elitista xerando un día de festa e convivencia co deporte como pano de fondo.
Outro dos obxectivos da andaina é fomentar un maior aprecio e respecto polo medio ambiente, baseado no coñecemento das entornas naturais e das paisaxes que nos ofrece o Concello de Brión. Para tal fin, moitos dos sendeiros polos que transcorre a proba foron preparados e recuperados expresamente para ela ao tratárense de antigos camiños en desuso que servían de paso de carros ou de comunicación a pé entre as distintas aldeas e que co tempo foron quedando abandonados trala aparición das estradas e os vehículos a motor. Poderemos un ano mais albiscar fervenzas, pasear entre castelos, importantes igrexas, maxestosas carballeiras, senlleiras aldeas e unha morea mais de puntos de interese que non deixarán indiferente a ningún participante.
Isto todo e moito mais será o que atopen os/as particpantes da
VII ANDAINA TERRAS DE ALTAMIRA DE BRIÓN que se vai celebrar o 28 de maio de 2022 a partir das 09:00h. na Carballeira de Santa Minia.
Ven a andar a Brión, desfruta da
ANDAINA TERRAS DE ALTAMIRA - CONCELLO DE BRIÓN
Info e inscricións:
www.andainaterrasdealtamira.org
grazas a todas as persoas que TRABALLARON para sacar este evento adiante 
) 
