Lun, 16 Out 2023, 17:03
Asunto: Re: MEDIA MARATON PONTEVEDRA 15/10/2023
Rematada unha edición máis desta media maratón, a primeira que corrín no ano 2004, cando era un ida e volta ata Marín. Dende aquela xa houbo uns cantos cambios de percorrido, pero sempre é bonito correr por Pontevedra.
Día bastante malo para correr, dende que cheguei ata que me fun non parou de chover, polo que quecemento case que nada.
Na saida situado entre as lebres de 1h35' e 1h40' e os 21 segundos do disparo paso baixo o arco da saida e uns cen mts despois estou caseque ca lebre de 1h35, estou un rato ahí, pero non me decido a seguila e vexo como se vai alonxando pouco a pouco.
O primeiro km, loxicamente o máis lento en 4'39" e pouco a pouco vou mellorando ritmos logrando facer polo meu GPS a metade dos Kms. por debaixo de 4'30", encontrándome moi cómodo toda a carreira, forzando só un pouco no derradeiro Km. para dar baixado por 8" de 1h37' do crono oficial.
Despois da ducha, vin que había pouca xente no servicio de fisios e funme dar unha pequena masaxe, coincidindo que cando rematei estaba alí Reyes Estévez e estiven falando un pouco con el sendo unha persoa moi agradable e cercana por certo. Quedou de 2º, e vendo os resultados dos primeiros, debeu estar moi emocionante a resolución da media, xa que os 4 primeiros chegaron nun intervalo de 12 segundos e o 5º outros 7" despois.
Así que rematada sen novidade unha nova edición desta media, que chegou a sua 41 edición, sendo a media maratón máis veterana de Galicia se non estou errado.
Organización de 10, lluvia refrescante y buen ambiente.... En 3 semanas Oporto... 
