Dom, 28 Set 2025, 21:56
Asunto: Re: Diario de Meigalicix

---

Resumo da semana do 22 ao 28 de setembro:

Mantiven as dúas sesións de ximnasio, pero só puiden saír a correr o xoves.
Recaída na sobrecarga de glúteos, e o máis preocupante foi despertar este domingo con molestias no xeonllo dereito, sensacións que tiña esquecidas de hai seis meses.
Creo toca eliminar algún dos exercicios do ximnasio.
Cruzo os dedos, e a ver como vai esta semana .

Dom, 05 Out 2025, 15:59
Asunto: Re: Diario de Meigalicix

---

Resumo da semana do 29 de setembro ao 5 de outubro:
Quitando a sesión de ximnasio suave e reducida do luns, e un trote de escasos 20 minutos o martes pola Guía, non houbo máis actividade deportiva. Non tanto polas molestias do xeonllo dereito como polas circunstancias familiares, que non deron opción a mais. Descanso forzoso que se cadra foi bo para os xeonllos , aínda que seguro que na vindeira saída a Chapela volva sentirme oxidada pola falta e constancia comendo case de cero .
Outro comezo case de cero vai ser o do cambio de ximnasio.
Non estaba mal o sitio ó que ía, pero supoñía moita distancia e tempo en bus.
Para a semana comezo noutro que me queda máis preto e que oferta entreno seguimento máis personalizado . Espero saír gañando co cambio, aínda que vai ser só unha sesión semanal. A ver qué tal resulta

Dom, 19 Out 2025, 21:15
Asunto: Re: Diario de Meigalicix

---

Resumo da quincena do 6 ao 19 de outubro:
Cero saídas a correr, sobre todo por obrigas domésticas e familiares que de foron cruzando polo camiño.
Varias sesións de leiragim, tamén hai que dicilo.
Este parón ten axudado a facer desaparecer as molestias dos xeonllos, pero creo que o lombo e os glúteos seguen acusando o esforzo do traballo na horta.
Ata o momento levo dúas sesións no novo ximnasio. Abondas para apreciar diferenzas e sacar algunha conclusión. Por exemplo, o tipo de exercicios parecen ir encamiñados a gañar flexibilidade e estabilidade máis que traballar a forza. De momento.
Supoño que terá o seu sentido, aínda que tiña entendido que para temas de osteopenia debería traballar tamén a forza. Haberá que ver como varían as rutinas nas seguintes semanas.
No que estou fallando é na casa. O plan tería que ser facer táboas de exercicios tres veces á semana, e non estou a facer ningunha... Sempre se cruza algunha tarefa de por medio e ao final nunca atopo o momento. Eterna trampa.
Noutras épocas o de anotar aquí os deberes funcionaba. Agora xa non sei eu, pero vou intentar polo menos cumplir nesta semana, a ver se vou collendo costume.
Luns, mércores e xoves, a primeira hora da mañá antes de almorzar. A ver se desta volta son muller de palabra

Mér, 22 Out 2025, 6:16
Asunto: Re: Diario de Meigalicix

---

Venga... disciplina por el diario, aunque sólo sea un poco. "Lunes antes de almorzar...", una niña fue a hacer tablas de core.

Hay que reinventar el refranero, que es un asco.

Sáb, 08 Nov 2025, 12:01
Asunto: Re: Diario de Meigalicix

---

Despois da case tres semanas sen actualizar, toca limpar as arañeiras e poñer a axenda ao día.

Levamos un tempo de obras na casa, autoxestionadas, e iso rompeume o ritmo bastante.

Pero nesta mañá de sábado, co ceo case despexado, había que facer oco sí ou sí para unha mínima carreira de 5 km ata as 4 Pontes. A mínima homenaxe pola miña banda ao finado de Jesús Bernal .

Mañá será a San Martiño. Outro ano sen facela, aínda non estou para correr unha 10K en condicións. Pero sigo co ximnasio, mazando os glúteos con exercicios de equilibrio e mobilidade, e tratando de retomar as saídas a correr, dúas por semana . As últimas revisións de fisio (ecografía incluída) dan que o menisco operado vai ben, pero que hai certa inflamación da pata de ganso.

O meu obxectivo é poder comezar a correr carreiras do circuíto de Vigo , distancias curtas, en febreiro do 2026. Pero sobre todo gozar do feito de estar viva, en activo, sen pensar nos ritmos que saen.

E a ver se esta semana, entre man de pintura, lixado , vernizado e untado de masilla reparadora, dou feito por fin de xeito regular os deberes de reforzo muscular.

Dom, 14 Dec 2025, 19:01
Asunto: Re: Diario de Meigalicix

---

Os meses pasan cada vez máis rápido , e isto xa case vai pasar de diario a anuario...
Parada non estiven nestas semanas, pero si moi collida co tema das obras , e outros compromisos varios .
Pero por fin parece que nesta última semana estou collendo o ritmo outra vez, e logrei rematar sumando unha sesión de ximnasio e tres entrenos. De momento non subo dos 5 km por si acaso . Se logro manterme así ata fin de ano, xa trataría de subir km en xaneiro.
Plan para a vindeira semana:
Luns, xoves e domingo: circuito das Catro Pontes
Mércores : ximnasio
Martes e venres: táboas de exercicios

Dom, 21 Dec 2025, 12:46
Asunto: Re: Diario de Meigalicix

---

Segunda semana en que consigo sumar unha sesión de ximnasio e tres entrenos.
O do luns , como facía sol, vinme arriba e fun ata Arealonga, saltando a facer 1,5km mais do habitual. O da distancia non foi problema, pero despois de case dous anos xa esquecera as costas imposibles que hai que facer no camiño de volta.
O glúteo esquerdo anda algo resentido, pero os xeonllos responden.
Imos camiño de rematar ben o ano, penso eu. Ata o chihuahua rabudo e insufrible que sempre me amolaba no Camiño da Chumba deixóu de ser un problema . Vese que os donos por fin entraron en razón é o teñen debidamente pechado detrás da cancela do patio.
Espero poder repetir como mínimo este ritmo de actividade para a semana, aínda que queden as festas de por medio

Lun, 22 Dec 2025, 11:16
Asunto: Re: Diario de Meigalicix

---

Meigalicix escribió:

Ata o chihuahua rabudo e insufrible que sempre me amolaba no Camiño da Chumba deixóu de ser un problema . Vese que os donos por fin entraron en razón é o teñen debidamente pechado detrás da cancela do patio.

Meiga. Que no se diga. Un chiguagua es poca cosa. Puedes: correr con palo, hacer el método clásico de coger la piedra o el más clásico aún de la patada. Pero el último entra en conflicto con la legislación vigente.

Me parto.

Lun, 22 Dec 2025, 12:11
Asunto: Re: Diario de Meigalicix

---

freakyrunning escribió:

Meigalicix escribió: Ata o chihuahua rabudo e insufrible que sempre me amolaba no Camiño da Chumba deixóu de ser un problema . Vese que os donos por fin entraron en razón é o teñen debidamente pechado detrás da cancela do patio. Meiga. Que no se diga. Un chiguagua es poca cosa. Puedes: correr con palo, hacer el método clásico de coger la piedra o el más clásico aún de la patada. Pero el último entra en conflicto con la legislación vigente. Me parto.

Precisamente usaba sempre o método da pedra, que tiña que lembrar coller con anterioridade a altura do parque da Riouxa. Agora e un descanso poder ir coas mans libres , e ata facerlle a burla cando asoma o fuciño pola cancela

Sáb, 27 Dec 2025, 12:56
Asunto: Re: Diario de Meigalicix

---

Resumo da semana do 22 ao 28 de decembro

Desta volta só logrei facer dúas saídas, unha ás Catro Pontes e outra Arealonga ( recortando pola rúa Cacharela, pero un recorte que é só de distancia, porque a dose de sufrimento vertical é igual ou peor)
Non é gran cousa, pero aínda bo foi, tendo en conta que tiven que parar a media semana e anular a sesión de ximnasio por un problema de vértigos e mareos. Non sei se da tensión baixa, ou de contractura nas cervicais.
Así que volvín a sacar o lote de cuellos de lana do caixón do armario , e ando engolada dentro e fora de casa, coma se usase hiyab... De momento funciona

Lun, 19 Xan 2026, 9:17
Asunto: Re: Diario de Meigalicix

---

Case un mes sin actualizar, así que hai que ir poñéndolle remedio.

Superada a crise das cervicais e os mareos, a vida continúa, pero coa a axenda demasiado chea e moi poucos ocos para entrenos, que seguen sen subir de 2 á semana , e de 4 a 5 km máximo.

O que realmente funciona é poñer unha "cenoria no pau", un obxectivo diante. Así que tomei a decisión de apuntarme á Subida ao Castro, que vai ser o 15 de febreiro , data complicada por ser domingo de Antroido, o que vai implicar ter que cociñar as orellas e filloas a tarde anterior, cousa que non é o ideal para as pernas en víspera de carreira, pero sobreviviremos.

O outro obxectivo vai ser ir á MiniBay en marzo. Case é un pecado tratándose do meu clube , que sempre organizan a PreVigBay, e xa están inscritas 32 persoas para a distancia longa. Só eu de disidente na MiniBay. Pero tal e como estou a mínimos, e despois de case dous anos sen correr , non me vexo eu facendo 21 km.

Por outra banda será unha ocasión de volver a compartir asfalto co meu sobriño Dani, co que xa teño compartido algunha vez a experiencia de correr por Carnota.

O plan ata a carreira de febreiro vai ser facer moitos mais entrenos por Arealonga volvendo pola rúa Cacharela (que teña feito a 10 K de Teis sabrá que é un tramo para quitar os folgos) . É unha distancia de 5 km ateigada de costas, así que debería ir ben de cara a subida ao Castro. Onte saiu a un ritmo medio de 5:50. A ver que tal nesta semana.

Lun, 19 Xan 2026, 12:41
Asunto: Re: Diario de Meigalicix

---

Se existe a posibilidade, está claro que anotarse nalgunha carreira sempre da motivación extra para adestrar un pouquiño! E inda que a VigBay mola moito, coa MiniBay o bo se breve, dúas veces bo!

(Que ben pintan esas filloas e orellas, eu seguro que paso pola miña aldea, A Baña, á festa da filloa da pedra, non queda moito)