Dom, 12 Dec 2021, 23:33
Asunto: Re: XXXV Memorial Adolfo Ros - Volta á Ría 12-12-21
Dende o 2013, sen correr esta Media, xa non me acordaba da dureza da mesma, tiña en mente a da Avda. de Esteiro e despois da ponte de Xubia, e que había algunha máis. Pero a estrada de Castela, non cría que era tan sube/baixa.
Tercera media do ano, todas feitas nun intervalo de 5 semanas, e mellorando sensacións e tempos despois de cada unha.
Chegamos con tempo a Neda, e que agradable atoparse con moitos coñecidos, algúns deles foreiros despois de bastante tempo, recollida axil do dorsal, despois xuntouse bastante xente.
Cafeciño de rigor cos compañeiros, e a prepararse para a media, mañán magnífica para correr, sen frío ningún, nada de vento e un sol reconfortante.
Saida de Neda, e ao momento xa empezamos a subir, en nada nos poñemos en Fene, co espectáculo de correr por A Ponte das Pías, moi cómodo en todo momento a un ritmo medio que vai oscilando entre 4'35/4'37, nun instante xa estamos adentrándonos en Ferrol, unha primeira subidiña, e despois a moi dura pola zona de Esteiro, un bo treito rápido a carón de Navantia e xa unha subidiña para ir pola zona vella de Ferrol subindo cara a praza de España a cal bordeamos, e xa saimos ao tobogán que é a Estrada de Castela, nas subidas, procuro non perder moito o ritmo e nas baixadas aproveito para recuperar.
A subida da ponte de Xubia recordábame ben dela, pero o ascenso xusto antes de entrar en Neda, costoume bastante, pero xa estabamos no derradeiro Km. e unha nova media feita, 1h36'36" oficial para 21'100 Kms. polo meu GPS.
Moitas grazas aos Concellos que levan a cabo esta curiosa carreira, que os leva impicando a todos ao longo de 35 edicións.
