Mar, 02 Xul 2013, 11:48
Asunto: Re: Carreira Pedestre de Santiaguiño do Burgo 2013 (Pontevedra)
REGULAMENTO DA CARREIRA PEDESTRE SANTIAGUIÑO DO BURGO 2013
PREVIO Á CARREIRA
1. DATA: A Asociación Xuvenil Santiago Peregrino do Burgo e o Concello de Pontevedra, a través do Instituto Municipal de Deportes de Pontevedra, e coa dirección técnica da Sociedad Gimnástica de Pontevedra organizan o xoves 25 de xullo de 2013, a partir das 11,00 horas, a “Carreira Pedestre Santiaguiño do Burgo 2013”.
2. PARTICIPANTES E CATEGORIAS. Poderán participar todas aquelas persoas que o desexen sempre que estean inscritas, nos prazos establecidos ao efecto pola organización, e cumpran as condicións de participación.
3. CONDICIÓNS DE PARTICIPACIÓN. As persoas participantes comprométense a aceptar estritamente o presente regulamento e calquera posible modificación da proba, obrigada por causas alleas á vontade da organización.
A realización da inscrición implica ter lido, entendido e adquirido os compromisos que a continuación se expoñen:
- Certifico que estou en bo estado físico e teño pasado os pertinentes recoñecementos de saúde.
- Eximo de toda responsabilidade á organización que puidera derivar da miña participación no evento (Ex: perdida de obxectos persoais por roubo ou outras circunstancias, perigo de lesión, atropelos, agresións,...).
- Autorizo a organización para a utilización da miña imaxe en publicacións, carteis,.... para a promoción do deporte. Calquera persoa inscrita poderá prohibir a utilización da súa imaxe previa solicitude expresa por escrito á Asociación Xuvenil Santiago Peregrino do Burgo.
- Conforme á L.O. 15/1999, informámoslle de que os seus datos persoais pasarán a formar parte dun ficheiro, do que é responsable a Asociación de Veciños Salcedo Norte. A finalidade do ficheiro é levar a cabo a xestión de datos para a Carreira Pedestre de Santiaguiño do Burgo así como informarlle de futuras edicións. Se desexa exercitar os dereitos de acceso, rectificación, cancelación e oposición; poderá facelo dirixíndose por escrito á dirección sinalada no punto anterior, xuntando unha fotocopia do seu DNI.
A Organización resérvase o dereito de rexeitar calquera inscrición que non acepte os termos e condicións que queden expostos no presente regulamento. En caso de dúbida, ou de xurdir algunha situación non reflectida no mesmo, estarase ao que dispoña a Organización.
A Organización non será responsable de calquera lesión ou padecemento por imprudencia, neglixencia ou falta de forma física do/a atleta.
4. INSCRICIÓNS. Faranse para as categorías Junior, Senior e todas as de Veteranos ata as 23:59 horas do día 22 de xullo de 2013 e non se admitirán nin inscricións posteriores nin o mesmo día da proba e serán na web
www.championchipnorte.com
Para as categorías inferiores Chupete, Pitufo/a, Benxamín, Alevín, Infantil, Cadete e Xuvenil faranse o mesmo día da carreira á hora de recoller o dorsal (dende as 08.30 ata as 09.40 horas) indicando o nome do/a participante e ano de nacemento no Pavillón Municipal de Deportes de Pontevedra.
Haberá tres tipos de inscrición:
- Para as categorías Junior, Senior e Veteranos o/a deportista pagará a cota de 5 € mais, de ser o caso, 1 € de aluguer de chip (é obrigatorio o seu uso).
- Para o resto das categorías a inscrición é de balde.
- Para todas as persoas que estiveran inscritas no Circuíto de Carreiras de Pontevedra (CCCP) 2013, será de balde. Para máis información en
www.championchipnorte.com
No caso de que o/a deportista das categorías Junior, Seniors e Veteranos que se inscriba estivera en situación de desemprego o día da Carreira, poderá participar de balde, agás o chip que terá que pagar 1 € do aluguer. A persoa beneficiaria en situación de desemprego terá que contar cun “Documento Acreditativo de Rexistro como Demandante de Emprego” (D.A.R.D.E.) dun Servizo Público de Emprego en vigor ese día (que terá que presentar inescusablemente ao recoller o seu dorsal); en caso da non presentación do documento acreditativo, terá que pagar en efectivo a diferenza económica. A inscrición da carreira é persoal e intransferible.
5. ACCIÓN SOCIAL. Voluntariamente todas os deportistas e persoas da Organización que desexen colaborar co Comedor Social de San Francisco poderán facelo entregando un produto alimenticio non perecedeiro xusto no momento de recoller o seu dorsal que entregaremos no seu nome a esta Institución.
DURANTE A XORNADA DA CARREIRA
6. COMO CHEGAR EN COCHE AO LUGAR DA SAÍDA. En caso de vir pola autopista o recomendable é coller a saída “Pontevedra Norte” e dende alí coller á esquerda cara a Pontevedra; e na primeira rotonda (arredor dos Bombeiros) tomar a primeira saída á dereita dirección Pazo de Congresos ou Policía Local e atravesar a primeira ponte e ao atravesar á esquerda e buscar xa onde estacionar.
7. A ENTREGA DE DORSAIS E CHIPS. Farase na portería do Pavillón Municipal de Deportes de Pontevedra o 24/07 en horario de 11 a 13 e de 17 a 20 horas e o propio 25/07 en horario de 09 a 10,30 horas e alí mesmo farase entrega da bolsa de corredor.
8. GARDARROUPA. Antes da saída os/as participantes terán un servizo de gardarroupa a súa disposición no Pavillón Municipal de Deportes de Pontevedra.
9. SERVIZOS SANITARIOS E SEGURO DE ACCIDENTES. Todas as persoas participantes estarán cubertos cunha póliza de “Seguro de Responsabilidade Civil” e dun “Seguro de Accidentes”. Haberá unha ambulancia e un médico/a para a atención.
10. PERCORRIDO. Terá unha lonxitude variable en función da categoría nun circuíto pechado sobre asfalto e terra. Haberá diversos controis de paso obrigatorios.
11. AVITUALLAMENTO. Ao remate facilitarase o avituallamento sólido e líquido axeitado.
12. DESCUALIFICACIÓNS. O servizo médico da competición están facultados para retirar da carreira a calquera atleta que manifeste un mal estado físico evidente, que non realice o percorrido completo, que non teña dorsal, que manipule a publicidade do dorsal, que manifeste un comportamento non deportivo ou que se reitere en protestas ante a Organización.
13. CHIP. Estableceranse controis de cronometraxe (deberá ir suxeito aos cordóns das zapatillas) e controis de paso por todo o percorrido, có propósito de verificar que todos os atletas cobren a totalidade do mesmo.
Na zona de meta haberá recipientes para a devolución do chip. A non devolución do chip supón non entrar na clasificación final e polo tanto a perda dos dereitos a agasallos, premios e trofeos, así como unha penalización de 30 (trinta) euros.
14. PERSOAS NON INSCRITAS. Toda aquela persoa que corra sen estar inscrita, faino baixo a súa responsabilidade e non estará cuberta pola Organización. Se é advertida a súa presenza se lle instará a abandoar o circuíto.
POSTERIOR Á CARREIRA
15. OUTROS. Na liña de meta, os participantes terán produtos alimenticios, bebidas, servizo médico e duchas no Pavillón Municipal de Deportes de Pontevedra,...
16. PREMIOS. A clasificación será por categorías e absoluta:
Premiarase como vencedores absolutos aos tres primeiros homes e mulleres en rematar. Os/as vencedores absolutos recibirán o premio correspondente a esta clasificación, entregándose o premio da súa categoría particular, ao seguinte clasificado na súa categoría.
Recibirán trofeo os tres primeiros clasificados de cada categoría, agás na categoría Chupetes, Pitufos/as, Benxamín, Alevín, Infantil, Cadete e Xuvenil que recibirán unha medalla todos/as os que rematen a súa carreira.
17. PROTOCOLO DE PREMIACIÓN. A cerimonia de entrega de premios efectuarase a partir das 12.10 horas na zona de meta. Os atletas con dereito aos premios deberán estar presentes na mesma, non podendo delegar noutra persoa. Se non estivesen presentes, entenderase que renuncian ao premio material.
18. PARA MAIS INFORMACIÓN. Máis información a través da Asociación Xuvenil Santiago Peregrino do Burgo ou no correo-e info @ sgpontevedra.com
CATEGORÍA (Masculina e Feminina) / IDADE MENOR Dende / IDADE MAIOR Ata / COR DO DORSAL / SAÍDA / DISTANCIA / INSCRICIÓN / Cota de Participación / ALUGUER DO CHIP
Chupete / 2013 / 2008 / Branco / 10.10 / 100 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
Pitufo/a ou Pre-Benxamín / 2007 / 2006 / 10.15 / 200 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
Benxamín / 2005 / 2004 / 10.15 / 200 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
Alevín / 2003 / 2002 / 10.20 / 500 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
Infantil / 2001 / 2000 / 10.20 / 500 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
Cadete / 1999 / 1998 / 10.30 / 1.450 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
Xuvenil / 1997 / 1996/ 10.30 / 1.450 m. / O mesmo día da carreira dende as 08.30 ata as 09.40 horas no Pavillón Municipal de Deportes de Pontevedra / 0 € / Non
CATEGORÍA INSCRITAS NO CCCP (Masculina e Feminina) / IDADE MENOR Dende / IDADE MAIOR Ata / SAÍDA / DISTANCIA / INSCRICIÓN / Cota de Participación / ALUGUER DO CHIP
Júnior / 1995 / 1994 / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Sénior / 1993 / Ata Veteranos 1 / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 1 / 35 anos / 39 anos / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 2 / 40 anos / 44 anos / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 3 / 45 anos / 49 anos / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 4 / 50 anos / 54 anos / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 5 / 55 anos / 59 anos / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 6 / 60 anos / 64 anos / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
Veteranos/as 7 / 65 anos / En diante / 11.00 / 6.100 m. / Inscribirse ata as 23.59 horas do 22/07/2013 a través de
www.championchipnorte.com / 5 € As persoas desempregadas (con D.A.R.D.E.) devolveráselles os cartos se se inscriben como tales e o poden acreditar o día da recollida do dorsal - Os inscritos no CCCP non pagán máis / 1 € (En caso de non telo en propiedade) e a non devolución supón unha penalización de 30 €
