Mar, 13 Ago 2013, 16:10
Asunto: XVIII CARREIRA POPULAR DE PINTOS
Ola!
Escribo en representación da Carreira Popular de Pintos, en Pontevedra, que este ano se celebrará durante este sábado 17 de agosto, a partires das 4:30-5 da tarde.
Somos un grupo de xuventude da zona que organizamos unha carreira popular, que se vén transmitindo de xeración en xeración.
Facemos unha mistura entre carreira popular, dividida en diferentes categorías de idade (0-4, 5-8, 9-13, 14-20, 21-36, 36-50 e 51-...), e de festa, xa que contamos ademais, coa venta de rifas para o sorteo, logo da entrega de medallas, de diversos productos, entre os que destacan xamóns, unha tableta, cafeteira... Buscamos sobre todo facer pasar á xente un bo anaco, ou polo menos intentalo.
NON somos para nada profesionais xa que facemos isto cada ano da mellor maneira posible e intentando mellorar naqueles puntos fracos que temos.
A distancia, a partir da categoría de 14-20 e consecutivas, é de preto de 2km, na que contamos cunha subida bastante pronunciada nunha parte, logo algo máis estable, e un par de baixadas importantes. As distancias para as categorías inferiores son menores, máis adecuadas aos seus rangos de idade.
Para todos aqueles participantes que se animen a correr, entregaráselles gratis unha bebida e un agasallo, cortesía da Organización.
Se vos interesa pasar unha tarde na nosa compañía, consultade o noso blog en carreirapopulardepintos.blogspot.com, onde toparedes máis información. Tamén vos responderemos ás dúbidas que nos fagades chegar ao correo electrónico ou nos comentarios do blog.
Saúdos.
