Mar, 03 Feb 2015, 21:53
Asunto: HAPPY GO RUNNING -Cidade Universitaria,Vigo (26 Abril)
HAPPY GO RUNNING - Cidade Universitaria
HappyGoRunning - Cidade Universitaria 2015
26 de abril de 2015
Que é?
A carreira/andaina HappyGoRunning - Cidade Universitaria é unha iniciativa do Servizo de Deportes da Universidade de Vigo na que colaboran entidades como o Concello de Vigo, UNICEF ou o Círculo Mercantil de Vigo.
A carreira forma parte do Circuíto de Carreiras Populares de Vigo polo que as persoas participantes na HappyGoRunning - Cidade Universitaria 2015 quedarán inscritas automaticamente no circuíto. A andaina presenta un percorrido moi atractivo polos arredores do campus Lagoas-Marcosende no que un dos puntos de reunión será no miradoiro de Beade, dende onde se pode observar a Ría de Vigo, a cidade enteira, a península do Morrazo, as Illas Cíes e, no caso de bo tempo, as Illas Ons.
Quen pode participar?
As inscricións están abertas a calquera persoa sen problemas de saúde* e nadas no ano 1997 ou anterior, no caso da carreira, ou no ano 2002 ou anterior, no caso da andaina.
*Se tes dúbidas sobre o teu estado de saúde, remítenos a deportes @ uvigo.es cuberto o cuestionario de aptitude para a actividade física que se achega como arquivo adxunto a esta noticia e o noso médico deportivo poderache aconsellar que é o máis recomendable no teu caso.
A IX edición da carreira a pé desenvolverase o vindeiro 26 de abril no Campus Lagoas - Marcosende e nela agárdase superar ás 800 persoas participantes.
Este ano o circuíto da carreira mantense sen cambios respecto das últimas dúas edicións e consistirá en dúas voltas de 5 quilómetros. Hai dúas posibilidades de participación:
10K (dúas voltas ó circuíto)
5K (unha volta ó circuíto)
Tamén nesta edición organizarase de xeito paralelo unha andaina de 10 km de lonxitude que transcorrerá polo entorno do Campus Universitario.
Prepara os 10 KM con nós:
Contacta con atletismo @ uvigo.es ou cos monitores das salas cardio-fitness dalgún dos 3 campus para ver como podemos axudarche a preparar a proba e contar con axuda técnica cualificada que necesitas.
Inscricións e taxas:
Inscricións:
As inscricións efectuaranse exclusivamente a través do enlace coa páxina de
www.championchipnorte.com.
O prazo estará aberto dende o 2 de marzo ata as 23:59 h do martes 21 de abril.
Taxas:
Carreira 10-5km :
- Comunidade universitaria Uvigo: 5 € (4 € de inscrición + 1 € solidario con UNICEF).
- Outras persoas participantes: 7 € (6 € de inscrición + 1 solidario con UNICEF).
Andaina- Persoas en xeral: 4 € (3 € de inscrición + 1 € solidario con UNICEF).
Consulta os circuítos e os perfís da carreira a continuación
Límite de prazas
- Carreira: 900 prazas.
- Andaina: 200 prazas
Premios e trofeos:
Os premios para as tres primeiras persoas da clasificación xeral tanto masculina como feminina serán en metálico e cos seguintes importes:
1º 400 €
2º 300 €
3º 200 €
Horarios, accesos e outra información importante para o dia da carreira:
Horarios:
Andaina:
09.00 h - 09.30 h > Acreditación para a andaina: no Teatro Vidal Bolaño (Área Comercial do Campus Lagoas-Marcosende).
09:30 h > Saída da andaina: dende a Praza Miralles.
Carreira:
9.30 h - 10.30 h > Acreditación e recollida de dorsais para a carreira: no Teatro Vidal Bolaño (Área Comercial do Campus Lagoas-Marcosende).
11:00 h > Saída da carreira: dende a Piscina Universitaria (CDU AQUA - Vigo).
Entrega de premios e agasallos: ás 12:30 h no Teatro Vidal Bolaño.
Accesos e outra información de interese:
Próximamente actualizaremos esta sección con toda a información sobre os horarios e os accesos ao campus, aparcadoiros, cortes de tráfico, agasallos, servizos de cafetería, comedor, ludoteca.
xanrunning.blogspot.com/
cronicasdelcarma.blogspot.com/
