Mér, 03 Ago 2022, 18:18
Asunto: [27-08-22] XXXV Carreira Popular de Pintos (Pontevedra)
Somos un grupo de xuventude
![Chupete Chupete](images/smiles/chupete.gif)
da zona de Pintos, en Marcón (Pontevedra), que organizamos unha carreira popular que se vén transmitindo de xeración en xeración e que este ano, logo de dous anos de parada pola pandemia, retornamos coa nosa 35ª edición!
Facemos unha mistura entre carreira popular, dividida en diferentes categorías de idade (0-4, 5-8, 9-13, 14-20, 21-36, 36-50 e 51-...), e de festa, xa que contamos ademais, coa venta de rifas para sorteos, logo da entrega de trofeos, de diversos produtos, entre os que destacan xamóns, lacóns, productos da terra, produtos vivos, menaxe do fogar... Buscamos sobre todo facer pasar á xente un bo anaco (ou polo menos intentalo).
NON somos para nada profesionais xa que facemos isto cada ano da mellor maneira posible e tentando mellorar naqueles puntos fracos que temos
![Angel Angel](images/smiles/eusa_angel.gif)
. De todos xeitos, pensamos que é unha magnífica oportunidade para pasalo ben e botar unha carreira con amizades e fillas e fillos!
A distancia, a partir da categoría de 9-13 e consecutivas, é de preto de 2 km
![Molón Molón](images/smiles/icon_cool.gif)
na que contamos cunha subida bastante pronunciada nunha parte, logo algo máis estable, un pequeno repeche e un par de baixadas para entrar en meta. Aquel@s que a proban din que parece máis fácil do que realmente é!
As distancias para as categorías inferiores son de 30 m (cat. 0-4) e de 250 m (cat. 5-8).
Para todos aqueles participantes que se animen a correr, entregaráselles gratis unha bebida e un agasallo, cortesía da Organización.
Se vos interesa pasar unha tarde na nosa compañía, consultade o noso facebook pinchando
aquí, onde atoparedes máis información. Tamén vos responderemos ás dúbidas que nos fagades chegar por mensaxe alí.
Este ano voltaremos a contar cunha pequena área de entretemento na que as e os máis pequenos poidan estar entretidos mentres os seus acompañantes corren, tratando de facerlles máis entretida a xornada durante as carreiras.
E para celebrar a nosa 35ª edición, ao remate contaremos coa actuación do grupo Son das Tabernas, e tamén unha chourizada gratis para as que o desexen! Se non os coñecedes, velaquí un exemplo no seu
Facebook
Saúdos e... VÉMONOS O SÁBADO 27!!