Dom, 27 Xul 2025, 12:52
Asunto: Re: 10k Marín 26/07
A verdade que coma sempre unha carreira xenial por percorrido e organización. Saímos sobre ás 22hrs. a carón do parque Rosalía de Castro e faise un pequeno percorrido pola Escola Naval para logo pasar por "contrasaída" e tirar dirección Pontevedra. Damos a volta case ao chegar ao paso elevado que leva a estrada cara Pontevedra e voltamos. Pasamos por saída e damos volta rodeando a praza de abastos para voltar repetir percorrido voltando pasar por "contrasaída " A meta é a carón da alameda pero pola parte de arriba, por así decir.
Carreira chanciña, algo de calor e tamén compaña do vento especialmente sentido Pontevedra. Ao final bolsa de avituallamento máis medalla e festa post carreira con dúo musical, empanadas, cervexa... Ao que hai que sumarlle a camiseta chula entregada na recollida do dorsal, incluso para a xente miúda que tamén tivo carreiras.
Todo cun ambiente extraordinario tanto antes coma durante e despois da carreira. Parabéns á organización, un ano máis, que ben se mira que lle poñen moitísimo esforzo para que desfrutemos. Para min é unha das fixas do verán dende hai xa varias edicións. Ideal para facer marca, por se a alguén lle interesa xa que ademais é homologada.
