Mér, 31 Out 2007, 0:31
Asunto:
A miña valoracion é a seguinte:
- Obxectivamente a carreira de Ourense é máis rápida ca de Santiago, por varios motivos: non hai ningunha subida coma a de Vite que nos "meta respeto", e ademáis é lixeiramente máis corta - 2,2 quilómetros menos.
Eu faría unha taboa xeral co marxe de erro que eso supón:
-- Quen corre a 4:10 en Santiago, en Ourense andará entre 4:05 e 4:00 o quilómetro
-- Quen correo a 3:50 en Santiago, en Ourense andará entre 3:45 e 3:40(tendo en conta que a de Ourense está exacamente medida sendo 10 quilémtros exactos, e da de Santiago teño serias dubidas da distancia exacta)
-- Quen correo a 4:40 en Santiago, en Ourense, pode correr a 4:30/4:35.
Esta taboa asumo que é un pouco absurda, porque influen moito moito aspectos coma: o día que se teña, a motivación, o estado de forma, o descanso, as condicións climatolóxicas, a planificación de carreira, a preparación de cada unha, etc...
- Precisamente polo anterior, e por non haber un "mini-muro" chamado Vite, a xente en Ourense vai co gancho todo o tempo, xa desde o primeiro quilómetro.
- En fin, a carreira do San Martiño de Ourense é engañosa, porque ten costas cortas pero traicioneiras, nos seguintes puntos:
- Quilómetro 1: á saida da Ponte do Milenio, repeito de 200 metros que en frío non é moi agradable e se nos pasamos, xa nos bloquea.
- Quilómetro 1,5: Ponte Romana: 150 metros de subida, cunha porcentaxe respetable (6/8%)
- Quilómetro 2: subida de Progreso: porcentaxe dun 3%, que por ser aparentemente rápida tórnase moi esixente.
- Quilómetro, 3,5 a 4 aprox: Ervedelo + Avenida de Portugal: Costa de 500 metros cun desnivel dun 3/4% de novo moi esixente.
- Quilómetro 5-6 aprox: Rua Marcelo Macías: 200 metros de novo cun desnivel "asumbile" pero moi duro cando imos revolucionados de voltas.
- Casco Vello: No acceso á Praza Maior, Quilómetro 6,5 aprox: repeito de 150 metros outra vez pronunciado.
- Rua Vicente Risco: Quilómetro 8,5-9: Suave subida, que despois de vir tirando desde o inicio se fai moi dura.
- Quilometro 9,5: Ponte Romana: o mesmo paso do quilómetro 2, xa a 300 metros da meta, dando o resto.
Como vedes todo o percorrido está salpicado de LIXEIROS REPEITOS que son moi moi esixentes, e requieren: control, potencia e velocidade.
Ten tramos moi lixeiros e rápidos aos que, lóxicamente se non chegamos algo frescos non se lle tira rendimento: Avenida de Zamora, Rua do Paseo, Carretera de Ponferrada e baixada á Ponte Nova.
Das 3 clásicas galegas - Compostela, Lugo e Ourense- desde o meu punto de vista é a prova que requiere correr con maior intelixencia e estar mellor preparado, porque si non é así faise interminable.
Levo correndo esta prova 19 anos, e téñolle cariño, pero tamén respecto.
Apertas dun provinciano - de Ourense - desde o exilio compostelán