Dom, 21 Ago 2022, 21:38
Asunto: IV edición 10k Monterroso 2022
A cuarta edición da carreira 10K Concello de Monterroso 2022 está en marcha. Acaba de abrir o prazo de inscrición que se celebrará o Domingo 11 de Setembro pola mañá.
O evento que organiza o Concello de Monterroso en colaboración co colectivo Correr en Monterroso trae varias novidades. Por unha parte un percorrido menos esixente o de anos anteriores para que sexa máis asequible a todos os niveis.
O percorrido está pensado para facer mais levadeiro os cambios de desnivel que forman parte da orografía de Monterroso. Os participantes da 10k e da andaina pasarán por pequenas aldeas co encanto da arquitectura popular e desfrutando das sombras de árbores frondosas tan propias da paisaxe da Ulloa. Como xa é costume incluiranse carreiras por equipos e trae como novidade a recuperación da clasificación individual para os maiores de 65 anos.
Xunto coa carreira, organizase paralelamente unha andaina de 5km para toda aqueles que os 10km se lle faga moito e probas para os mais pequenos con distancias de 100m, 500m e 1000m en función da idade dos participantes.
A inscrición é gratuíta na andaina e nas probas dos menores de idade. Para a proba de 10k o custe será de 7€ ata o día 28 de agosto e 10 dende o 29 ata o día 6 de setembro data na que se cerran todas as inscricións. O evento ten prazas limitadas polo que dende a organización recomendan inscribirse xa estes primeiros días.
A carreira, que forma parte do circuito Miño-Ulla 2022, vai colaborar con Recycling bicicletas solidarias, coa colocación dun punto de recollida de bicicletas, camisetas deportivas, gymsacks, zapatillas e outros materiais deportivos para o seus proxectos solidarios.
Os percorridos, prazos, horarios das probas e máis información da carreira pode consultarse na web
www.correrenmonterroso.es
Durante estos días xa se están publicando info da carreira no perfil de facebook
www.facebook.com/correrenmonterroso
Esperámosvos en Monterroso!!