Portada
A miña conta
Calendario
Foros
Todos
Carreras Populares
Montaña
Triatlón
Circuito
Diarios
Kedadas
Fotos
Fuera de Galicia
Pista
Andainas
Canicross
Lesiones
Entrenamientos
Zapatillas
Planos
Otros temas
Utilidades
Mapa
Calculadora
O Tempo
Circuíto
Contacto
A miña conta
Calendario
Info da proba
Trail da Carixa
11/09/2022
10:00 - 14:00
Voltar
Regulamento
Regulamento da proba Trail da Carixa 2022.
O evento estará formado por unha proba trail individual de 20 km, trail por relevos de 9 +
11 km, trail cadete de 9 km, andaina de 9 km e Pequetrail de 0.5 a 3 km; rexidas polo seguinte
regulamento:
1. As carreiras Trail e andaina celebraranse o día 11 de setembro de 2022 con
saída e chegada dende a praia fluvial de A Carixa, no Concello de Vila de Cruces.
2. Ás catro probas terán a saída as 10:00 horas; sobre un percorrido aproximado de
20 km para o Trail individual e por relevos con un desnivel positivo de 1100 m e 9
km para o Trail Cadete e andaina con un desnivel positivo de 460 m.
3. Contará con un total de 600 prazas que se repartirán do seguinte xeito entre as
diferentes modalidades:
Trail individual 20 K 300 prazas.
Trail por relevos 9 + 11 K 150 prazas.
Trail cadete 9 K 50 prazas.
Pequetrail: 100 prazas.
4. A carreira Trail individual sobre un percorrido de 20 km poderase facer baixo a
modalidade de relevos, en equipos de dúas persoas os cales poderán ser mixtos.
5. A recollida de dorsais para ambas probas poderá realizarase o mesmo día na
zona de saída e meta entre as 8:00 e as 9:30 horas. Para a retirada de dorsais
será obrigatorio presentar o DNI ou pasaporte, podendo retirarse por unha persoa
distinta ó destinatario, facéndose esta responsable, eximindo de toda
responsabilidade á organización.
6. O Pequetrail: celebrarase o día anterior sábado 10 a partir das 11:00;
terá recorridos diferentes para cada unha das categorías:
i. esquíos (de 2 a 6 anos) con un percorrido de 200 m,
ii. corzos (de 7 a 10 anos) con un percorrido de 500 m
iii. xabaríns (de 10 a 14 anos) con un percorrido de 3000 m.
Para a celebración de esta proba precisarase un mínimo de 5 inscritos
en cada categoría.
Os participantes poderanse anotar o mesmo día da proba no local de
reparto de dorsáis.
Haberá premios para todos os participantes.
7. Trail Cadete 9 K: sairá as 10:00;
So poderán participar as persoas debidamente inscritas con idades de
15,16 e 17 anos, é dicir que non cumpra os 18 anos o ano de referencia.
Haberá premio para os tres primeiros participantes masculino e feminino.
8. Trail 9 + 11 K por relevos: sairá as 10:00;
So poderán participar as persoas debidamente inscritas con 18 anos de
idade ou mais.
Os equipos estarán compostos por dúas persoas, nunha única categoría
absoluta, podendo ser estes masculino, feminino ou mixto.
O primeiro relevista fará o percorrido do primeiro tramo 9 k e o segundo
de 11 k no segundo tramo.
Haberá premio para os tres primeiros clasificados da categoría
masculina, feminina e mixta.
9. CATEGORÍAS: os participantes estarán divididos nas categorías e sub categorías
seguintes:
- Categorías Masculina e Feminina : Cadete, Júnior e Absoluta.
Categoría Cadete: 15,16, e 17 anos, é dicir que non
cumpra os 18 anos o ano de referencia.
Categoría Júnior: 18,19, e 20 anos, é dicir que non
cumpra os 21 anos o ano de referencia.
Categoría Absoluta: a partir dos 21 anos cumpridos o
ano de referencia
- Sub categorías Masculino e Feminina: Promesa e Veterana A e B
Sub categoría Veterana A:
o Masculina e feminina de 40 a 49 anos, é dicir que
non cumpra os 50 anos o ano de referencia.
Sub categoría Veterana B:
o Masculina e feminina de 50 a 59 é dicir que non
cumpra os 60 anos o ano de referencia.
Sub categoría Veterana C:
o Masculina e feminina a partir dos 60 anos
cumpridos no ano de referencia.
A idade a ter en consideración para toda a tempada, no referente a categoría e
sub categorías, será a que o participante teña o día 31 de Decembro do ano da
competición.
10. INSCRICIÓNS: Serán a través da páxina ccnorte.com estarán abertas dende o
día 3 de xullo ata o 6 de setembro.
O custo das diferentes probas será o seguinte:
1º Trail individual 20 k................. 20 €
2º Trail por relevos 9 + 11 k........ 30 €
3º Andaina.................................. 15 €
4º Trail cadete 9 k......................... 0 €
5º Pequetrail ................................ 0 €
Dita inscrición dá dereito a participar na proba, seguro de asistencia sanitaria e de
responsabilidade civil, bolsa do corredor, avituallamentos, duchas, xantar e cantos
obsequios ou regalos consiga a organización. Unha vez abonada a inscrición non
se devolverá o importe da mesma nin haberá posibilidade de anulación.
11. SINALIZACIÓN E CONTROIS: O percorrido estará sinalizado con cintas de
plástico co logotipo da proba, sendo obrigatorio o paso polos controis
establecidos.
12. O/A corredor/a que se retire durante o transcurso da proba, deberá avisar ó control
máis próximo e facer entrega do dorsal.
13. AVITUALLAMENTOS: A proba contaría con un total de 4 avituallamentos os
cales quedarían distribuídos da seguinte mineira:
1. Mirador da Catarata do Toxa km 5 (líquido).
2. Praia fluvial da Carixa 9 (líquido e sólido).
3. Fontao km 14 (sólido e líquido).
4. Praia fluvial da Carixa 20 (líquido e sólido).
A fin de ser meticulosos no respecto co medio ambiente e baixo a premisa de
reducir a o máximo os residuos que se poidan xerar, nos avituallamentos non se
dispensarán vasos a os participantes.
14. TEMPOS DE CORTE: Co fin de cumprir cos horarios establecidos pola
organización para o evento fixarase un tempo de corte en dous dos puntos do
recorrido para a proba de Trail individual e por relevos:
Fontao km 14 12:45 .
Mosteiro de Carboeiro km 11 12:00 .
15. PREMIOS:
TRAIL Individual 20 k:
Entregarase un trofeo ós tres primeiros da clasificación xeral nas
categorías masculina e feminina; ademais a os tres primeiros de cada
categoría, atendendo as categorías propias da carreira (punto 9).
TRAIL por relevos 9 + 11 k:
Entregarase un trofeo ós tres primeiros da clasificación xeral
masculina, feminina e mixta.
TRAIL Cadete 9 k:
Entregarase un trofeo ós tres primeiros da clasificación nas
categorías masculina e feminina.
ANDAINA:
Será de carácter non competitiva, e non haberá premios.
16. A aceptación do presente regulamento, implica obrigatoriamente que o
participante autoriza á organización á gravación total ou parcial da súa
participación na mesma, presta o seu consentimento para que poida ser utilizada
a súa imaxe na promoción e difusión da proba, de tódolos xeitos posibles e cede
tódolos dereitos relativos á súa explotación, comercial e publicitaria que a
organización considere oportuno executar.
17. Quedará descualificado/a desta proba todo o que non cumpra o presente
regulamento, non complete a totalidade do percorrido, deteriore ou ensucie a
contorna, non leve o seu dorsal ben visible, manteña unha conduta impropia ou
desatenda as indicacións da organización.
18. A organización resérvase o dereito a realizar as modificacións que considere
necesarias en función dos diferentes condicionantes, así como a suspensión da
proba se as condicións meteorolóxicas o obrigan ou por forza maior.
19. Os/as participantes están obrigados a auxiliar ós accidentados que precisen
axuda así como a informar de calquera percance nos controles de paso.
20. A pesar do persoal disposta pola organización ao longo do percorrido os/as
participantes están obrigados a respectar as normas de circulación nos
cruzamentos coas estradas.
21. Os únicos vehículos autorizados a seguir a proba serán os designados pola
organización, quedando totalmente prohibido, para evitar posibles accidentes,
seguir ós corredores en moto, bicicleta, quad ou similar polo circuíto.
22. A organización declina toda responsabilidade en caso de accidente, neglixencia,
así como dos obxectos perdidos de cada participante. Os participantes exoneran
á organización de toda responsabilidade en caso de accidente ou lesión. En todo
o non contemplado neste regulamento, a proba basearase nos regulamentos da
Federación Galega de Montañismo e da Federación Española de Deportes de
Montaña e Escalada (FEDME).
Voltar